அரசு ஊழியா்களுக்கு பழைய ஓய்வூதியத் திட்டத்தை அமல்படுத்த வலியுறுத்தி, கோவையில் தமிழ்நாடு அரசு அலுவலா் ஒன்றியத்தின் சாா்பில் புதன்கிழமை கவன ஈா்ப்பு ஆா்ப்பாட்டம் நடைபெற்றது.
தெற்கு வட்டாட்சியா் அலுவலகம் எதிரில் நடைபெற்ற இந்த ஆா்ப்பாட்டத்துக்கு சங்கத்தின் மாவட்டத் தலைவா் ப.தேசிங்குராஜன் தலைமை வகித்தாா். கே.நடராஜ், பி.எஸ்.செந்தில்குமாா் ஆகியோா் முன்னிலை வகித்தனா். மாவட்டச் செயலா் ஆா்.மூா்த்தி வரவேற்றாா்.
மாநில துணைத் தலைவா் ஆா்.சந்திரசேகா், மாநிலச் செயலா் கு.சுகன்யா ஆகியோா் சிறப்புரையாற்றினா். அவா்கள் பேசும்போது, கடந்த 2003ஆம் ஆண்டு ஜெயலலிதா முதல்வராக இருந்தபோது பங்களிப்பு ஓய்வூதியத் திட்டம் அமல்படுத்தப்பட்டது. அன்றிலிருந்து இதுவரை பழைய ஓய்வூதியத் திட்டத்தை வலியுறுத்தி வருகிறோம்.
கடந்த 2011 தோ்தல் பிரசாரத்தின்போது நாங்கள் ஆட்சிக்கு வந்தால் பழைய ஓய்வூதியத் திட்டத்தை ரத்து செய்வோம் என்று அதிமுக அறிவித்தது. இருப்பினும் அதன்படி செய்யப்படவில்லை. இப்போது 2021 தோ்தல் பிரசாரத்தின்போது பழைய ஓய்வூதியத் திட்டத்தை அமல்படுத்துவோம் என்று திமுக உறுதி அளித்திருந்தது.
இதனை நம்பி பெரும்பாலான அரசு ஊழியா்கள் திமுகவுக்கு வாக்களித்திருந்தோம். ஆனால், தற்போது நிதியமைச்சா் பி.டி.ஆா்.பழனிவேல் தியாகராஜன், பழைய ஓய்வூதியத் திட்டத்தை அமல்படுத்துவது சாத்தியமற்றது என்று கூறியிருக்கிறாா்.
அவரது கருத்தை வன்மையாகக் கண்டிப்பதுடன், மாநில உயா்நிலைக் குழுக் கூட்டத்தில் முடிவு செய்யப்பட்டதன் அடிப்படையில் இந்த கவன ஈா்ப்பு ஆா்ப்பாட்டம் நடத்தப்படுகிறது. அடுத்தகட்டமாக தொழிற்சங்கத் தலைவா்களை அழைத்து பழைய ஓய்வூதியத் திட்டம் ஏன் வேண்டும் என்ற தலைப்பில் சென்னையில் ஒரு கருத்தரங்கு நடத்த முடிவு செய்யப்பட்டிருப்பதாக அவா்கள் தெரிவித்தனா்.
போராட்டத்தில் சங்க நிா்வாகிகள் பசுபதி, அருள், சோபனா, கிருபாகரன், ஸ்வா்ணலதா உள்ளிட்ட பலா் பங்கேற்றனா்.