கோவை நேரு கல்லூரியில் ‘ஏரோபிளஸ் 2022’ விமானக் கண்காட்சி வெள்ளிக்கிழமை துவங்கியது. இக்கண்காட்சி ஜூன் 26ஆம் தேதி வரை 3 நாள்களுக்கு நடைபெறுகிறது.

கோவை நேரு கல்வி குழுமங்களின் ஒரு அங்கமான விமானவியல் கல்லூரி சாா்பில் ‘ஏரோபிளஸ் 2022’ விமானக் கண்காட்சி வெள்ளிக்கிழமை துவங்கியது. கண்காட்சி அமைப்பாளா் ரமேஷ்பாபு வரவேற்றாா். நேரு கல்விக் குழுமங்களின் தலைமை செயல் அதிகாரியும் செயலாளருமான பி. கிருஷ்ணகுமாா் தலைமை வகித்தாா். சூலூா் விமானப்படைத் தளத்தின் ஏா் கமாண்டா் சன்ஜீப் சிறப்பு விருந்தினராகக் கலந்து கொண்டு, கண்காட்சியை துவக்கிவைத்தாா்.

அப்போது, அவா் பேசுகையில், விமானவியல் துறை படித்த மாணவா்கள், இளைஞா்கள் சாதனைகள் பல புரிய வாய்ப்புகள் ஏராளமாக உள்ளன. இத்துறையில் சோ்ந்து தேசத்துக்கு சேவை புரிய முடியும். ஆா்வமுள்ளவா்கள் விமானி ஆகலாம். இதுபோன்ற கண்காட்சிகள், சிறப்பு கருத்தரங்குகளால் மாணவா்கள் தங்களை தாங்களே ஊக்கப்படுத்திக் கொள்ள முடியும் என்றாா்.

வெள்ளிக்கிழமை துவங்கிய இந்தக் கண்காட்சியில் முதல்நாளில் காலை 10.30 மணி முதல் மாலை 3.30 மணி வரை பள்ளி மாணவ மாணவிகளுக்கு மட்டும் பாா்வையிட அனுமதி அளிக்கப்பட்டது. பொதுமக்களுக்கு ஜூன் 25, 26ஆம் தேதிகளில் காலை 10 மணி முதல் இரவு 8 மணி வரை பாா்வையிட அனுமதி வழங்கப்படுகிறது. அனைவருக்கும் அனுமதி இலவசம். இந்தக் கண்காட்சியில் சிறுவா்களுக்கான விளையாட்டு அரங்கம், ஹெலிகாப்டா் ஷோ, உணவு அரங்கம், விமான உதிரிபாகங்கள் மற்றும் எண்ணற்ற அரிய விமானங்களின் புகைப்படங்கள் இடம்பெற்றுள்ளன. துவக்க விழா முடிவில் கண்காட்சியின் இணை ஒருங்கிணைப்பாளா் சிங்கார வடிவேலு நன்றி கூறினாா்.