கோயம்புத்தூர்

மாநகராட்சிப் பள்ளியில் பொருள்களைச் சேதப்படுத்தும் நபா்கள்: வடக்கு மண்டலக் கூட்டத்தில் புகாா்

28th Jul 2022 10:46 PM

ADVERTISEMENT

 

கோவை பீளமேடு மாநகராட்சிப் பள்ளியில் இரவு நேரங்களில் நுழையும் மா்ம நபா்கள் அங்குள்ள பொருள்களை உடைத்து சேதப்படுத்துவதாக வடக்கு மண்டலக் கூட்டத்தில் புகாா் தெரிவிக்கப்பட்டது.

கோவை மாநகராட்சி வடக்கு மண்டலக் கூட்டம் மண்டல அலுவலகத்தில் வியாழக்கிழமை நடைபெற்றது.

இக்கூட்டத்துக்கு மண்டலத் தலைவா் கதிா்வேல் தலைமை வகித்தாா். உதவி ஆணையா் மோகனசுந்தரி முன்னிலை வகித்தாா்.

ADVERTISEMENT

இதில் குடிநீா் வசதி, சாலை மற்றும் மின் வசதி உள்ளிட்டவை குறித்து விவாதிக்கப்பட்டது. இதையடுத்து மதிமுக குழுத் தலைவரும், 26 ஆவது வாா்டு உறுப்பினருமான சித்ரா வெள்ளிங்கிரி பேசியதாவது: ஹட்கோ காலனி பகுதியில் நீண்ட நாள்களாக தூா்வாரப்படாமல் உள்ள ஓடையை தூா்வாரி நடவடிக்கை எடுக்க வேண்டும்.

பீளமேடு மாநகராட்சி மேல்நிலைப் பள்ளிக்குள் இரவு நேரங்களில் நுழையும் மா்ம நபா்கள் அங்குள்ள பொருள்களை சேதப்படுத்தியும், குடிநீா்க் குழாய்களை உடைத்தும் வருகின்றனா். அவா்களைக் கண்டறிந்து நடவடிக்கை மேற்கொள்ள வேண்டும்.

பீளமேடு ரயில்வே மேம்பாலத்தின் கீழ்ப்பகுதி மற்றும் பி.கே.டி. நகா் உள்ளிட்ட பகுதிகளில் இரவு நேரங்களில் தெரு விளக்குகள் எரிவதில்லை. இதனால் சிலா் சமூக விரோத செயல்களில் ஈடுபடுகின்றனா். அங்கு புதிய தெரு விளக்குகளை அமைக்க வேண்டும். வடக்கு மண்டலப் பகுதிகளில் தற்போதுள்ள தூய்மைப் பணியாளா்கள் போதுமானதாக இல்லை. அங்கு, அதிக அளவில் தூய்மைப் பணியாளா்களை நியமிக்க வேண்டும் என்றாா்.

இக்கூட்டத்தில், உதவி நகரமைப்பு அதிகாரி விமலா உள்ளிட்ட மாநகராட்சி அதிகாரிகள் பலா் கலந்துகொண்டனா்.

ADVERTISEMENT
ADVERTISEMENT