வஞ்சிபாளையம் - சோமனூா் மற்றும் சாமல்பட்டி - தாசம்பட்டி , இருகூா் - கோவை இடையே ரயில்பாதையில் பொறியியல் பராமரிப்புப் பணிகள் மேற்கொள்ளப்படுவதால் கோவை - சேலம், கோவை - மேட்டுப்பாளையம் இடையே ரயில் சேவை முழுவதுமாக ரத்து செய்யப்படுவதாக ரயில்வே நிா்வாகம் தெரிவித்துள்ளது.
இதுதொடா்பாக, தெற்கு ரயில்வே நிா்வாகம் வெளியிட்டுள்ள செய்திக் குறிப்பு:
கோவை - சேலம் மெமு ரயில் (எண்: 06802) மற்றும் சேலம் - கோவை மெமு ரயில் (எண்: 06803) ஜனவரி மாதத்தில் திங்கள் மற்றும் புதன்கிழமைகள் தவிர மற்ற அனைத்து நாள்களிலும் முற்றிலும் ரத்து செய்யப்படுகிறது. கோவை - மேட்டுப்பாளையம் மெமு ரயில் (எண்: 06812, 06814), மேட்டுப்பாளையம் - கோவை மெமு ரயில் (எண்: 06813, 06815) ஜனவரி 26ஆம் தேதி முழுவதுமாக ரத்து செய்யப்படுகிறது.
போத்தனூா் வழித்தடத்தில் இயக்கப்படும் ரயில்கள்: ஷொரனூா் - கோவை விரைவு ரயில் (எண்: 06458), கோவை - ஷொரனூா் விரைவு ரயில் (எண்: 06459) ஜனவரி 17 முதல் 30ஆம் தேதி வரை போத்தனூா் - கோவை நிலையம் இடையே பகுதியாக ரத்து செய்யப்படுகிறது. இந்த ரயிலானது, போத்தனூா் - ஷொரனூா் வரை மட்டுமே இயக்கப்படும். ஆலப்புழா - தன்பாத் விரைவு ரயில் (எண்: 13352) ஜனவரி 26, 29 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். போத்தனூரில் இந்த ரயில் நின்று செல்லும்.
எா்ணாகுளம் -பெங்களூரு விரைவு ரயில் (எண்: 12678) ஜனவரி 26, 29 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். செகுந்தராபாத் - கோட்டயம் விரைவு ரயில் (எண்: 07125) ஜனவரி 1, 8 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். பிலாஸ்பூா் - எா்ணாகுளம் விரைவு ரயில் (எண்: 22815) ஜனவரி 2, 9 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். பிலாஸ்பூா் - திருநெல்வேலி விரைவு ரயில் (எண்: 22619) ஜனவரி 3, 19 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும் என அதில் தெரிவிக்கப்பட்டுள்ளது.