அஞ்சல் துறை சாா்பில் ஆதாா் எண்ணுடன் கைப்பேசி எண்ணை இணைக்கும் சிறப்பு முகாம் கோவையில் டிசம்பா் 15 ஆம் தேதி வரை நடைபெறும் என்று முதுநிலை அஞ்சல் கோட்ட கண்காணிப்பாளா் கோபாலன் தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு: மத்திய அரசின் கிஷான் சம்மன் நிதித் திட்டத்தில் தொடா்ந்து நிதியுதவி பெறுவதற்கு ஆதாா் எண்ணுடன், கைப்பேசி எண்ணை இணைக்க அறிவுறுத்தப்பட்டுள்ளது. இந்நிலையில், கோவை மாவட்ட விவசாயிகள் ஆதாா் எண்ணுடன் கைப்பேசி எண்ணை இணைக்க வசதியாக அஞ்சல் அலுவலகங்களில் சிறப்பு முகாம் நடத்தப்பட்டு வருகிறது. அஞ்சல் ஊழியா்களுக்கு வழங்கப்பட்டுள்ள ஸ்மாா்ட் போன் மற்றும் பயோமெட்ரிக் சாதனத்தின் மூலம் விவசாயிகள் தங்கள் ஆதாா் எண்ணுடன் கைப்பேசி எண்ணை இணைத்துக் கொள்ளலாம்.

இந்தச் சேவைக்கு ரூ.50 கட்டணம் வசூலிக்கப்படுகிறது. இகற்காக அஞ்சல் துறை சாா்பில் நடத்தப்படும் சிறப்பு முகாம் டிசம்பா் 15 ஆம் தேதி வரை மட்டுமே நடைபெறும். எனவே, விவசாயிகள் அனைவரும் இந்த வாய்ப்பை பயன்படுத்திக் கொள்ள வேண்டும் எனத் தெரிவிக்கப்பட்டுள்ளது.