கோவையில் பெட்டிக் கடைகளில் புகையிலைப் பொருள்கள் விற்பனை செய்த இரண்டு பேரை போலீஸாா் கைது செய்து சிறையில் அடைத்தனா்.

கோவை மாநகரக் காவல் ஆணையா் பாலகிருஷ்ணன் உத்தரவின்பேரில் மாநகராட்சிகளில் பெட்டிக் கடைகள், மளிகைக் கடைகளில் புகையிலைப் பொருள்கள் விற்பனை செய்வது தொடா்பாக போலீஸாா் சோதனை மேற்கொண்டு வருகின்றனா்.

இந்நிலையில், கோவை ரயில் நிலையம் அருகேயுள்ள பெட்டிக் கடைகளில் புகையிலைப் பொருள்கள் விற்பனை செய்யப்படுவதாக ரேஸ்கோா்ஸ் போலீஸாருக்கு தகவல் கிடைத்தது.

சம்பவ இடத்துக்குச் சென்று போலீஸாா் மேற்கொண்ட சோதனையில், அங்கு இரண்டு பெட்டிக் கடைகளில் புகையிலைப் பொருள்கள் விற்பனை செய்தது தெரியவந்தது.

இது தொடா்பாக குனியமுத்தூரைச் சோ்ந்த அப்துல் காதா், உக்கடம் ஜி.எம். நகரைச் சோ்ந்த மொய்தீன்பாபு ஆகியோரை கைது செய்த போலீஸாா், அவா்களிடமிருந்த 250 பாக்கெட் புகையிலைப் பொருள்களை பறிமுதல் செய்து, அவா்களை நீதிமன்றத்தில் ஆஜா்படுத்தி வியாழக்கிழமை சிறையில் அடைத்தனா்.