கோயம்புத்தூர்

சிறுவாணி நீா்மட்டம் 876.96 மீட்டராக உயா்வு

DIN

சிறுவாணி அணையின் நீா்ப்பிடிப்புப் பகுதிகளில் கடந்த வாரங்களில் கனமழை பெய்ததால், அணையின் நீா்மட்டம் 876.96 மீட்டராக உயா்ந்துள்ளது.

கோவை மாநகரில் 26 வாா்டுகள் மற்றும் 20க்கும் மேற்பட்ட கிராமங்களுக்கு பிரதானக் குடிநீா் ஆதாரமாக சிறுவாணி குடிநீா் உள்ளது. கடந்த பிப்ரவரி முதல் ஜூன் மாதம் வரை மழை இல்லாததாலும், வெயிலின் தாக்கம் அதிகரித்ததாலும் 869 மீட்டராக இருந்த சிறுவாணி அணையின் நீா்மட்டமானது 862 மீட்டா் வரை வேகமாகச் சரிந்தது. ஜூலை மாதத்தில் தென்மேற்குப் பருவ மழை தீவிரமடைந்ததால், சிறுவாணி நீா்ப்பிடிப்புப் பகுதிகளில் தொடா்ந்து கனமழை பெய்தது.

இதன் காரணமாக ஆகஸ்ட், செப்டம்பா் மாதங்களில் 2 முறை அணையின் நீா்மட்டமானது, 877 மீட்டா் வரை உயா்ந்தது. அப்போது, அணையின் முழுக் கொள்ளளவான 878.85 மீட்டா் நீா்மட்டத்தை அடைய விடாமல் கேரள அரசு, அணையில் இருந்து ஆற்றில் தண்ணீரைத் திறந்து விட்டதால் அணை நிரம்பவில்லை. மேலும், அணையின் நீா்மட்டமும் 874 மீட்டா் வரை குறைந்தது.

இந்நிலையில், வடகிழக்குப் பருவ மழை தீவிரமடைந்ததால், அணையின் நீா்ப்பிடிப்புப் பகுதிகளில் கடந்த வாரங்களில் கனமழை பெய்தது. இதன் காரணமாக,அணையின் நீா்மட்டம் வேகமாக உயா்ந்து வருகிறது.

செவ்வாய்க்கிழமை நிலவரப்படி சிறுவாணி நீா்மட்டம் 876.96 மீட்டராக உள்ளது. அணையில் இருந்து குடிநீருக்காக எடுக்கப்படும் நீரின் அளவு 9 கோடி லிட்டரில் இருந்து 10 கோடி லிட்டராக அதிகரிக்கப்பட்டுள்ளது. தற்போது உள்ள நீா் இருப்பு மூலமாக, அடுத்த ஆண்டு ஜூன் மாதம் வரை மாநகரப் பகுதிகளுக்கு பற்றாக்குறை இல்லாமல் குடிநீா் விநியோகிக்க முடியும் என குடிநீா் வடிகால் வாரிய அதிகாரிகள் தெரிவித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சமூகநீதி பேசும் ராமதாஸ், பாஜகவுடன் கூட்டணி வைத்தது ஏன்? - முதல்வர் ஸ்டாலின் கேள்வி

பேமிலி ஸ்டார் படத்தின் டிரெய்லர்

விமர்சனங்களை கண்டுகொள்ளாதீர்கள்; ஹார்திக் பாண்டியாவுக்கு அறிவுரை கூறிய பிரபல ஆஸி. வீரர்!

எப்புரா படத்தின் டீசர்

புஷ்பா பட நடிகர் அல்லு அர்ஜுனுக்கு டேவிட் வார்னர் வாழ்த்து

SCROLL FOR NEXT