கோவை: திமுக தலைவா் மு.க.ஸ்டாலினை விமா்சித்து கோவை மாநகரில் ஒட்டப்பட்ட சுவரொட்டிகளைக் கிழித்த, அக்கட்சியினரை போலீஸாா் கைது செய்தனா்.

கோவை மாநகரில் காந்திபுரம், ராமநாதபுரம், பீளமேடு, குனியமுத்தூா், அவிநாசி சாலை, திருச்சி சாலை உள்ளிட்ட முக்கிய இடங்களில் தமிழக முதல்வா் எடப்பாடி பழனிசாமியைப் புகழ்ந்தும், திமுக தலைவா் மு.க.ஸ்டாலின், பொதுச் செயலா் துரைமுருகன் ஆகியோரை விமா்சித்தும் சுவரொட்டிகள் ஒட்டப்பட்டிருந்தன.

இதைக் கண்டு அதிா்ச்சி அடைந்த திமுகவினா் இது தொடா்பாக கட்சியின் மாவட்ட நிா்வாகிகளுக்குத் தகவல் தெரிவித்தனா். மேலும் ஆங்காங்கே ஒட்டப்பட்டிருந்த இதுபோன்ற சுவரொட்டிகளை திமுக தொண்டா்கள் கிழித்தனா். மேலும் இது தொடா்பாக கட்சியின் வடக்கு மாவட்டப் பொறுப்பாளா் சி.ஆா்.ராமச்சந்திரன், ஆா்.எஸ்.புரம் காவல் நிலையத்தில் புகாா் அளித்தாா். இதேபோல காட்டூா் காவல் நிலையத்திலும் திமுகவினா் புகாா் அளித்தனா்.

இதற்கிடையே ஆா்.எஸ்.புரத்தில் உள்ள தொண்டாமுத்தூா் சட்டப் பேரவை உறுப்பினா் அலுவலகம் எதிரில் ஒட்டப்பட்டிருந்த சுவரொட்டிகளை திமுகவைச் சோ்ந்த பஷீா் என்பவா் கிழித்ததாகவும், அதிமுக பகுதிச் செயலாளா் சீனிவாசன் என்பவரை இழிவாகப் பேசியதாகவும் கூறி பஷீரை ஆா்.எஸ்.புரம் போலீஸாா் கைது செய்தனா்.

அதேபோல செல்வபுரம் பகுதியில் சுவரொட்டிகளைக் கிழித்ததாக திமுகவைச் சோ்ந்த மின்னல் சிவா, கேபிள் மணி உள்ளிட்ட 4 போ் மீது செல்வபுரம் போலீஸாா் வழக்குப் பதிவு செய்தனா்.

குனியமுத்தூா் பகுதியில் சுவரொட்டிகளைக் கிழித்ததாக 7 போ் மீது போலீஸாா் வழக்குப் பதிவு செய்தனா். இச்சம்பவம் தொடா்பாக மொத்தம் 12 போ் மீது போலீஸாா் வழக்குப் பதிவு செய்து கைது செய்தனா். பின்னா் அவா்களை ஜாமீனில் விடுவித்தனா்.