கோவை: ஸ்ரீ ராமகிருஷ்ணா மகளிா் கலை மற்றும் அறிவியல் கல்லூரியின் வணிக மேலாண்மைத் துறை மற்றும் வணிகவியல் துறை இணைந்து வணிகம் மற்றும் நிா்வாகத்தில் புதிய வழிமுறைகள் என்ற தலைப்பில் சா்வதேச இணையவழி மாநாட்டை நடத்தியது.

நிகழ்ச்சியில் வணிக மேலாண்மைத் துறைத் தலைவா் ஈ.ஜெயந்தி வரவேற்றாா். மாநாட்டிற்கு கல்லூரி முதல்வா் கே.சித்ரா தலைமை தாங்கினாா். நிகழ்ச்சியில் சிறப்பு விருந்தினராக அமெரிக்காவின் டெக்சாஸ் மாநில பாங்க் ஆஃப் அமெரிக்கா நிா்வாகி சங்கீதா சீனிவாசன் மாநாட்டை துவக்கிவைத்து, தற்போதைய புதுமையான சூழ்நிலையை எவ்வாறு கையாளவேண்டும் என்பது குறித்து உரையாற்றினாா். மேலும் சூழ்நிலைக்குத் தக்கவாறு மாற்றங்களை ஏற்றுக் கொள்ளுதல், பாதுகாப்பு நடவடிக்கைகளை மையப்படுத்துதல், தொழில்நுட்பத் திட்டங்களை மீட்டமைத்தல் மற்றும் செலவு, சேமிப்புக்கு முக்கியத்துவம் அளித்தல் போன்ற பல்வேறு அம்சங்களைப் பற்றி அவா் விவாதித்தாா்.

பின்னா் மாநாட்டின் ஆய்வுத் தொகுப்பை கல்லூரி முதல்வா் சித்ரா, வணிக மேலாண்மைத் துறைத் தலைவா் ஜெயந்தி மற்றும் வணிகவியல் துறைத் தலைவா் பத்மாவதி ஆகியோா் வெளியிட்டனா். நிகழ்ச்சியில் சிறப்பு விருந்தினா் தொழில்நுட்ப திட்ட மேலாளா் சுபா ராஜேஷ் கரோனா தொற்று பாதிப்பின் விளைவாக உலகம் எதிா்கொள்ளும் முக்கியத் தொழில்நுட்ப சவால்களைப் பற்றி விளக்கினாா்.

இறுதியாக வணிகவியல் துறைத் தலைவா் டி.பத்மாவதி நன்றி தெரிவித்தாா். மாநாட்டில் சுமாா் 200 போ் நேரலையில் பங்கு கொண்டனா். மேலும் 60க்கும் மேற்பட்ட பங்கேற்பாளா்கள் தங்களது ஆய்வுக் கட்டுரைகளை சமா்ப்பித்தனா். சிறந்த ஆய்வுக் கட்டுரைகள் தோ்ந்தெடுக்கப்பட்டு சான்றிதழ்கள் வழங்கப்பட்டன.