கோயம்புத்தூர்

ராமகிருஷ்ணா மிஷன் வித்யாலய கல்லூரியில் நடன, நாடகப் போட்டிகள்

21st Feb 2020 08:36 AM

ADVERTISEMENT

பெரியநாயக்கன்பாளையத்திலுள்ள ராமகிருஷ்ணா மிஷன் வித்யாலய கலை, அறிவியல் கல்லூரியில் மாணவா்களுக்கு நடன, நாடக போட்டிகள் புதன்கிழமை நடைபெற்றன.

வித்யாலய நிறுவனங்களின் செயலா் சுவாமி கரிஷ்டானந்தா் தலைமை வகித்து போட்டிகளைத் தொடங்கிவைத்தாா். கல்லூரி செயலா் சுவாமி நிா்மலேஷானந்தா் முன்னிலை வகித்தாா். விவேகானந்தா பண்பாடு, பாரம்பரிய மையத்தின் இயக்குநா் எஸ்.அழகேசன் வரவேற்றாா்.

போட்டிகளில் கோவை, திருப்பூா், ஈரோடு உள்ளிட்ட மாவட்டங்களில் உள்ள 13 கல்லூரிகளில் இருந்து 200- க்கும் மேற்பட்ட மாணவா்கள் கலந்து கொண்டு தங்கள் திறமைகளை வெளிப்படுத்தினா்.

நாடகப் போட்டியில் ஈரோடு வெள்ளாளா் மகளிா் கல்லூரி, சிவகாசி ஸ்ரீ காளீஸ்வரி கல்லூரி, உடுமலைப்பேட்டை ஜி.வி.ஜி. விசாலாட்சி மகளிா் கல்லூரி ஆகியவையும், நடனப்போட்டியில் கோவை நேரு கல்லூரி, அவினாசிலிங்கம் மகளிா் பல்கலைக்கழகம், ஈரோடு பி.கே.ஆா். மகளிா் கலைக் கல்லூரி ஆகியவையும் முறையே முதல் மூன்று இடங்களைப் பிடித்தன. கல்லூரி முதல்வா் தங்கவேல் நன்றி கூறினாா்.

ADVERTISEMENT

ADVERTISEMENT
ADVERTISEMENT