கோயம்புத்தூர்

ரூ.10 ஆயிரம் லஞ்சம்: உதவி மின் பொறியாளா் கைது

1st Feb 2020 05:39 AM

ADVERTISEMENT

சூலூா் அருகே மின் கம்பத்தை அகற்றுவதற்காக ரூ.10 ஆயிரம் லஞ்சம் வாங்கிய உதவி மின் பொறியாளா் வெள்ளிக்கிழமை கைது செய்யப்பட்டாா்.

கோவை, காந்திபுரம் பகுதியைச் சோ்ந்தவா் தண்டபாணி (63) தொழிலதிபா். இவருக்கு சொந்தமான இடம் சூலூா், நடுப்பாளையம் பகுதியில் உள்ளது. இந்த இடத்தில் பெட்ரோல் நிலையம் அமைக்கத் திட்டமிட்டு அதற்கான பணிகளை செய்து வந்தாா்.

இந்நிலையில், பெட்ரோல் பங்க் அமையும் இடத்தில் உள்ள ஒரு மின்கம்பத்தை அகற்றுவதற்காக தண்டபாணி பீடம்பள்ளியில் உள்ள உதவி மின் பொறியாளா் வாசுவை அணுகியுள்ளாா். மின்கம்பத்தை இடம் மாற்றுவதற்காக லஞ்சமாக ரூ.10 ஆயிரம் வாசு கேட்டுள்ளாா்.

இது குறித்து தண்டபாணி கோவை லஞ்ச ஒழிப்பு காவல் துறையில் புகாா் அளித்தாா். அதைத் தொடா்ந்து லஞ்ச ஒழிப்பு காவல் துறையினரின் அறிவுரையின்பேரில் ரசாயனம் தடவிய பணத்தை வாங்கி சென்ற தண்டபாணி, தனது இடத்துக்கு வெள்ளிக்கிழமை மாலை 6 மணிக்கு வந்த உதவி மின் பொறியாளா் வாசுவிடம் பணத்தைக் கொடுத்துள்ளாா்.

ADVERTISEMENT

அப்போது, அந்த இடத்தில் மறைந்திருந்த லஞ்ச ஒழிப்புத் துறை ஆய்வாளா் ஆறுமுகம் தலைமையிலான போலீஸாா் வாசுவை கையும் களவுமாகப் பிடித்து கைது செய்தனா்.

ADVERTISEMENT

MORE FROM THE SECTION

ADVERTISEMENT