திருவள்ளுவா் பல்கலைக்கழகத்தில் வெள்ளிக்கிழமை தொடங்கிய வேலைவாய்ப்பு முகாமில் 300-க்கும் மேற்பட்ட மாணவா்களுக்கு பணியாணை வழங்கப்பட்டது. இந்த வேலைவாய்ப்பு முகாம் இரண்டாம் நாளாக சனிக்கிழமையும் நடைபெறுகிறது.

வேலூா் மாவட்டம், சோ்க்காடிலுள்ள திருவள்ளுவா் பல்கலைக்கழகம், சா்வதேச புகழ்பெற்ற நாஸ்காம் நிறுவனம், இணையதள பாதுகாப்பு துறையில் நிபுணத்துவம் வாய்ந்த ஸ்கில்ஸ்டா நிறுவனம், பின்தங்கிய மாவட்ட வளா்ச்சிக்கு பாடுபட்டு வரும் அருணை தகவல் சேவை மையம் ஆகியவை இணைந்து திருவள்ளுவா் பல்கலைக்கழகம், அதைச் சாா்ந்த கல்லூரி மாணவா்களுக்காக திறன் மேம்பாட்டு பயிற்சி வகுப்புகளை நடத்தின.

இதில், தோ்ச்சி பெற்ற 2,500-க்கும் மேற்பட்ட மாணவா்களுக்கு வேலைவாய்ப்பு நோ்காணல் பல்கலை. வளாகத்தில் வெள்ளிக்கிழமை தொடங்கியது. இரு நாள்கள் நடைபெறும் இந்த வேலைவாய்ப்பு முகாமில் சா்வதேச அளவில் இயங்கி வரும் 18 -க்கும் மேற்பட்ட நிறுவனங்கள் பங்கேற்றுள்ளன. முதல்நாள் முகாமில் கணினி, கணிதவியல், வணிகவியல், பொருளாதாரம் ஆகிய துறைகளைச் சோ்ந்த 700-க்கும் மேற்பட்ட மாணவா்கள் கலந்து கொண்டனா். இவா்களில் 300-க்கும் மேற்பட்ட மாணவா்களுக்கு ரூ. 15,000 முதல் ரூ. 25,000 ஊதியத்தில் வேலைவாய்ப்பு பெற்றனா்.

இவா்களுக்கு வேலூா் மாவட்ட ஆட்சியா் பெ.குமாரவேல் பாண்டியன் பணிநியமன ஆணைகளை வழங்கினாா்.

நிகழ்ச்சிக்கு பல்கலைக்கழக துணைவேந்தா் டி.ஆறுமுகம் தலைமை வகித்து மாணவா்கள் புத்தக கல்வியுடன் , தொழில் சாா்ந்த கல்வியிலும் சிறந்து விளங்கவேண்டும் என்றாா்.

பதிவாளா் ஆா்.விஜயராகவன், ஸ்கில்ஸ்டா நிறுவனத் தலைவா் கொட்டாரம் வி.ரமேஷ், அருணை இன்போ சா்வீஸஸ் நிறுவன தலைவா் ஆா்.விஜயன் ஆகியோா் சிறப்புரையாற்றினா்.

முன்னதாக, பல்கலைக்கழக ஒருங்கிணைப்பாளா் அ.ராஜசேகா் வரவேற்றாா். அருணை நிறுவன மேற்பாா்வையாளா் ஆா்ஜீவானந்தம் நன்றி கூறினாா்.