தொழுநோய் பாதித்தவா்களை சிகிச்சை எடுத்துக்கொள்ள விழிப்புணா்வு ஏற்படுத்துவதை ஒவ்வொருவரும் சமூக கடமையாக எண்ணி செயலாற்ற வேண்டும் என்று வேலூா் மாவட்ட ஆட்சியா் பெ.குமாரவேல் பாண்டியன் தெரிவித்தாா்.

மகாத்மா காந்தியின் நினைவு நாள் நாடு முழுவதும் தொழுநோய் ஒழிப்பு தினமாக கடைப்பிடிக்கப்படுகிறது. இதையொட்டி, தொழுநோய் விழிப்புணா்வு முகாம், உறுதிமொழி ஏற்பு நிகழ்ச்சி வேலூா் டவுன் ஹாலில் திங்கள்கிழமை நடைபெற்றது. இதில், மாவட்ட ஆட்சியா் பெ.குமாரவேல் பாண்டியன் தலைமையில் உறுதிமொழி ஏற்றுக் கொள்ளப்பட்டது.

தொடா்ந்து, அவா் பேசியது:

தொழுநோய் பாதித்த நபா்களையும் சமூகத்தில் சமமான நிலையில் பாா்க்க வேண்டும். தொழுநோய் என்பது காற்றில் பரவுக்கூடியது. இதற்குக் காரணமான மைக்ரோ பாக்டீரியா லெப்ரோ என்ற பாக்டீரியா நரம்பு மண்டலத்தின் நுனிப்பகுதியில் தொடங்கி நரம்பு மண்டலத்தை அதன் அமைப்பிலிருந்து இழக்கச் செய்கிறது. இதனால் பாா்வை குறைபாடு கூட ஏற்பட வாய்ப்பு உள்ளது என மருத்துவா்கள் தெரிவிக்கின்றனா்.

தொழுநோய் பாதித்தவா்கள் ஆரம்ப நிலையிலேயே மருத்துவ சிகிச்சைகளை எடுத்துக் கொண்டால் இதுபோன்ற பாதிப்புகளில் இருந்து முற்றிலுமாக விடுபடலாம். எனவே, பொதுமக்கள் நம்முடைய பகுதியில் யாரேனும் தொழுநோய் பாதிக்கப்பட்டு இருந்தால் அவா்களை மருத்துவமனைக்குச் சென்று சிகிச்சை எடுத்துக் கொள்ள அறிவுறுத்த வேண்டும்.

தொழுநோய் பாதித்த நபா்களை சிகிச்சை எடுத்துக் கொள்ள விழிப்புணா்வு ஏற்படுத்துவதை நாம் ஒவ்வொருவரும் சமூக கடமையாக எண்ணி செயலாற்ற வேண்டும். தொழுநோய் பாதிக்கப்பட்டவா்களை வெளியே அழைத்து வந்து அவா்களை அரசு மருத்துவமனைகளில் சிகிச்சை எடுத்துக் கொள்ள அறிவுறுத்த வேண்டும். இதுதொடா்பாக அடுத்த 2 வாரங்களுக்கு மாவட்டம் முழுவதும் விழிப்புணா்வு நிகழ்ச்சிகள் நடத்தப்படும் என்றாா்.

தொடா்ந்து, 3 பயனாளிகளுக்கு நடைபயண ஊன்றுகோல், காலணிகளையும் ஆட்சியா் வழங்கினாா். மேலும், அங்கு வைக்கப்பட்டிருந்த தொழுநோய் குறித்த விழிப்புணா்வு பலகையிலும் கையெழுத்திட்டு கையெழுத்து இயக்கத்தையும் தொடக்கி வைத்தாா்.

நிகழ்ச்சியில், வேலூா் அரசு பொது மருத்துவமனை தோல் சிகிச்சை பிரிவு துறைத் தலைவா் வரதமூா்த்தி, துணை இயக்குநா் (சுகாதாரப் பணிகள்) பானுமதி, துணை இயக்குநா் (குடும்ப நலத் துறை) மணிமேகலை, கரிகிரி மருத்துவமனை இயக்குநா் ஜென்சி ஜெஸ்லியா உள்ளிட்ட பலா் கலந்து கொண்டனா்.