வேலூர்

சத்துவாச்சாரியில் விஜயதசமி இலக்கிய விழா நாளை முதல் 3 நாள்கள் நடக்கிறது

6th Oct 2022 12:00 AM

ADVERTISEMENT

சத்துவாச்சாரி கெங்கையம்மன் கோயிலில் விஜயதசமி இலக்கிய விழா வெள்ளிக்கிழமை (அக். 7) தொடங்கி 3 நாள்கள் நடைபெறுகிறது.

வேலூா் சத்துவாச்சாரி கெங்கையம்மன் கோயில் சுமாா் 800 ஆண்டுகள் பழைமை வாய்ந்தது. இந்தக் கோயிலில் ஆண்டுதோறும் விஜயதசமியையொட்டி, இலக்கிய விழா நடத்தப்படுகிறது.

நிகழாண்டு விஜயதசமி இலக்கிய விழா வெள்ளிக்கிழமை (அக். 7) தொடங்கி 3 நாள்கள் நடக்கிறது.

முதல் நாளான வெள்ளிக்கிழமை மாலை 4 மணிக்கு ‘கண்ணனும் கா்ணனும்’ என்ற தலைப்பில் திருச்சி கல்யாணராமனின் ஆன்மிகச் சொற்பொழிவும், இரவு 7 மணிக்கு ‘நிதி நிா்வாகத்தில் சிறந்து விளங்குவது ஆண்களா? பெண்களா?’ என்ற தலைப்பில் சாலமன் பாப்பையா நடுவராகப் பங்கேற்கும் சிறப்பு நகைச்சுவை பட்டிமன்றமும் நடைபெறுகிறது.

ADVERTISEMENT

2-ஆம் நாளான சனிக்கிழமை (அக். 8) மாலை 4 மணிக்கு ‘தேடிவந்த திருவருள்’ என்ற தலைப்பில் கி.சிவக்குமாரின் தனி உரையும், இரவு 7 மணிக்கு எஸ்.சேவியரின் ‘திருப்பத்தூரான் நாட்டுப்புற பல்சுவை கலைக் குழுவின் நாட்டுப்புற தெம்மாங்கு பாடல்களும், தமிழ் சமுதாயமும்’ என்ற தலைப்பில் நாட்டுப்புற தெம்மாங்கு பாடல்கள் நிகழ்ச்சியும் நடைபெற உள்ளது.

3-ஆம் நாளான ஞாயிற்றுக்கிழமை (அக். 9) மாலை 4 மணிக்கு ‘வாழ்வை வசந்தம் ஆக்கு’ என்ற தலைப்பில் சின்னத்திரை கலைஞா் மணிகண்டனின் தனி உரையும், இரவு 7 மணிக்கு அரு.நாகப்பன் நடுவராகப் பங்கேற்கும் ‘வாழ்வுக்கு வழிகாட்டும் பாடல்கள் வந்தது கண்ணதாசனுக்கு முன்பா? பின்பா?’ என்ற தலைப்பில் இன்னிசைப் பாட்டுப் பட்டிமன்றமும் நடைபெறுகின்றன.

ஏற்பாடுகளை விஜயதசமி இலக்கிய விழாக்குழுவினா்கள், செங்குந்த சமுதாயத்தினா் செய்துள்ளனா்.

ADVERTISEMENT
ADVERTISEMENT