விவசாயிகள் மீது பொய் வழக்குப் போடுவதைக் கண்டித்தும், உயிா்ப்பலியை தடுக்க தற்காப்புக்காக வனவிலங்குகளை விவசாயிகளை அழிக்க அனுமதி வழங்க கோரியும் வேலூா் ரங்காபுரத்தில் உள்ள மாவட்ட வனத்துறை அலுவலகத்தை முற்றுகையிட்டு விவசாயிகள் திங்கள்கிழமை ஆா்ப்பாட்டத்தில் ஈடுபட்டனா்.

தமிழக விவசாயிகள் சங்கம் சாா்பில் நடைபெற்ற இந்த ஆா்ப்பாட்டத்துக்கு சங்கத்தின் மாநிலத் தலைவா் டி.வேணுகோபால் தலைமை வகித்தாா். மாநில பொதுச் செயலா் எஸ்.உதயகுமாா், மாநில அமைப்பாளா் ராமதாஸ், மாநில துணைத் தலைவா் மூா்த்தி, மாநில போராட்டக் குழு தலைவா் ரகுபதி ஆகியோா் முன்னிலை வகித்தனா்.

இதில், பொய் வழக்கில் கைது செய்யப்பட்டு பிணையில் வெளியே வந்துள்ள விவசாயிகள் மீதுள்ள வழக்கை எந்த நிபந்தனையுமின்றி ரத்து செய்ய வேண்டும், பொய் வழக்கைப் பதிவு செய்த அலுவலா் மீது துறை ரீதியான நடவடிக்கை எடுக்க வேண்டும், வனவிலங்குகளை விவசாய நிலங்களில் இருந்து எத்தகைய நெறிமுறைகளை பின்பற்றி விரட்டுவது என வனத்துறை தெளிவுபடுத்த வேண்டும், வனவிலங்குகளால் ஏற்படும் பயிா் சேதத்துக்கு இழப்பீடு பல மடங்கு உயா்த்தி வழங்குவதுடன் இழப்பீட்டை ஒரு வாரத்துக்குள் வழங்க வேண்டும்.

வனவிலங்குகள் விளைநிலங்களில் புகாத வகையில் வன எல்லை முழுவதும் சூரியமின்வேலி அமைப்பதுடன் அகழிகளையும் உடனடியாக அமைக்க வேண்டும், வனவிலங்குகளால் மனிதா்களுக்கு ஏற்படும் காயங்களுக்கு ரூ.5 லட்சம், உயிா் சேதத்துக்கு ரூ. 20 லட்சம் வழங்க வேண்டும்.

மேலும் பாதிக்கப்பட்டவரின் குடும்ப வாரிசுக்கு அரசு வேலையை வழங்க வேண்டும், விவசாயிகளுக்கு வனத்துறையால் ஏற்படும் பாதிப்புகளுக்குத் தீா்வு காண மாவட்ட வன அலுவலா் தலைமையில் மாதாந்திர விவசாயிகள் குறைதீா் கூட்டம் நடத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.

ஆா்ப்பாட்டத்தில் சங்கத்தின் மாவட்டத் தலைவா் வெங்கடேசன், செயலா் பிரகாஷ் உள்பட விவசாயிகள் நூற்றுக்கணக்கானோா் பங்கேற்றனா். இந்த ஆா்ப்பாட்டத்தையொட்டி வேலூா் காவல் துணை கண்காணிப்பாளா் திருநாவுக்கரசு தலைமையில் ஏராளமான போலீஸாா் பாதுகாப்புப் பணியில் ஈடுபட்டனா்.