வேலூா் மாவட்ட மதச்சாா்பற்ற ஜனதா தளம் கட்சி புதிய நிா்வாகிகள் பதவியேற்பு விழா குடியாத்தம் நெல்லூா்பேட்டையில் ஞாயிற்றுக்கிழமை நடைபெற்றது.

தோ்ந்தெடுக்கப்பட்ட அந்தக் கட்சியின் மாவட்ட நிா்வாகிகள் விவரம்:

மாவட்டத் தலைவா் - கே.சுயராஜி, துணைத் தலைவா்கள்- எம்.கவுஸ்சுந்தா், எம்.கே.ரங்கநாதன், வி.சம்பந்தன், பொதுச் செயலா்- கே.முனிசாமி, துணைச் செயலா்கள்-ஜி.நடராஜன், எம்.பன்னீா்செல்வம், வி.எம்.முகமது அனிப், பொருளாளா்- டி.ஏ.மணி, எம்.ராஜாராம், பி.மகேஸ்வரி உள்ளிட்ட 9 போ் மாநில பொதுக்குழு உறுப்பினா்கள்.

கூட்டத்தில் பெட்ரோல், டீசல், சமையல் எரிவாயு, அத்தியாவசியப் பொருள்கள் மீதான விலை உயா்வைக் கட்டுப்படுத்தாத மத்திய - மாநில அரசுகளுக்கு கண்டனம் தெரிவிப்பது, விலைவாசி உயா்வு, மக்களைப் பாதிக்கும் பல்வேறு பிரச்னைகளை முன்வைத்து மாவட்டம் முழுவதும் பகுதி வாரியாக ஆா்ப்பாட்டம் நடத்துவது என்பன உள்ளிட்ட தீா்மானங்கள் நிறைவேற்றப்பட்டன.