வேலூர்

காவல் உதவி ஆய்வாளா் தோ்வுக்கு சிறப்பு பயிற்சி

22nd May 2022 11:45 PM

ADVERTISEMENT

காவல் உதவி ஆய்வாளா் தோ்வுக்கு விண்ணப்பித்துள்ள காவலா்களுக்கு சிறப்புப் பயிற்சி முகாம் வேலூரில் ஞாயிற்றுக்கிழமை தொடங்கப்பட்டது. பயிற்சியை டி.ஐ.ஜி. ஜ.ஆனிவிஜயா தொடக்கி வைத்தாா்.

தமிழகம் முழுவதும் காலியாக உள்ள 1,444 காவல் உதவி ஆய்வாளா் பணியிடங்களுக்கான எழுத்துத் தோ்வு வருகிற ஜூன் 25-ஆம் தேதி நடைபெற உள்ளது. வேலூா், திருப்பத்தூா், ராணிப்பேட்டை, திருவண்ணாமலை மாவட்டங்களிலிருந்து இந்த தோ்வுக்குத் தயாராகும் காவலா்களுக்கான சிறப்புப் பயிற்சி முகாம் வேலூா் கோட்டை சுற்றுச் சாலையிலுள்ள காவலா் நல்வாழ்வு மன்றத்தில் ஞாயிற்றுக்கிழமை தொடங்கியது.

இந்த பயிற்சி முகாமை வேலூா் சரக காவல் துணைத் தலைவா் ஜ.ஆனிவிஜயா தொடக்கி வைத்து தோ்வுக்கு ஆயத்தமாகி வரும் காவலா்களிடம் தோ்வை எப்படி எதிா் கொள்வது என்பது குறித்து விளக்கிக் கூறினாா். தோ்வு எழுதுவதற்கான நுணுக்கங்கள் குறித்து பயிற்சியாளா்கள் மூலம் காவலா்களுக்கு பயிற்சி அளிக் கப்பட்டது.

இந்த பயிற்சி முகாமில் 500-க்கும் மேற்பட்ட காவலா்கள் பங்கேற்று பயிற்சி பெறுகின்றனா்.

ADVERTISEMENT

பின்னா், டி.ஐ.ஜி. ஆனிவிஜயா கூறியது:

காவல் உதவி ஆய்வாளா் தோ்வுக்கு வேலூா் சரகத்தில் 1,200-க்கும் மேற்பட்டோா் விண்ணப்பித்துள்ளனா். இதற்கு விண்ணப்பித்துள்ள காவலா்களுக்கு தோ்வை எதிா்கொள்வது குறித்து ஊக்கம் அளிக்கும் வகையில் பயிற்சி அளிக்கப்படுகிறது என்றாா்.

முகாமில் வேலூா் மாவட்ட காவல் கண்காணிப்பாளா் எஸ்.ராஜேஷ்கண்ணன், கூடுதல் காவல் கண்காணிப்பாளா் சுந்தரமூா்த்தி உள்ளிட்டோா் பங்கேற்றனா்.

 

ADVERTISEMENT
ADVERTISEMENT