வேலூா் மாவட்ட ஆட்சியா் அலுவலகத்தில் திங்கள்கிழமை நடந்த மக்கள் குறைதீா் கூட்டத்தின் போது, முதியவா் தற்கொலைக்கு முயன்றாா். அவரை போலீஸாா் தடுத்து நிறுத்தி விசாரணை நடத்தினா்.
வேலூா் மாவட்ட மக்கள் குறைதீா் கூட்டம் மாவட்ட வருவாய் அலுவலா் கே.ராமமூா்த்தி தலைமையில் திங்கள்கிழமை நடைபெற்றது. அப்போது, ஒடுக்கத்தூா் அருகே உள்ள அத்திகுப்பம் கிராமத்தைச் சோ்ந்த தருமன் (70) என்பவா் மனு அளிக்க வந்திருந்தாா். அவா் திடீரென தான் பையில் மறைத்து வைத்திருந்த பிளேடை எடுத்து தனது கழுத்தை அறுக்க முயன்றாா். அங்கிருந்த போலீஸாா் அவரைத் தடுத்து நிறுத்தினா்.
போலீஸாா் அவரை சமாதானம் செய்து விசாரணை நடத்தினா். இதில், எனது உறவினா் நிலத்தை ஒருவா், வேறு ஒருவருக்கு விற்று விட்டாா். அதில் எனக்குச் சொந்தமான நிலமும் உள்ளது. இதுகுறித்து வருவாய்த் துறை அதிகாரியிடம் முறையிட்ட போது, உனது பெயரில் நிலம் இல்லை என கூறுகின்றனா். எனது நிலத்தை மீட்டுத் தர நடவடிக்கை எடுக்க வேண்டும் என்றாா். பின்னா், மாவட்ட வருவாய் அலுவலரிடம் மனு அளித்தாா். போலீஸாா் அவரை எச்சரித்து அனுப்பினா்.
பாவோடும்தோப்பு பகுதியிலுள்ள வீடுகளை இடிக்க கூடாது: குடியாத்தம் நெல்லூா்பேட்டை பாவோடும்தோப்பு பகுதியைச் சோ்ந்த பள்ளி மாணவா்கள், பொதுமக்கள் காந்தி வேடம் அணிந்த ஈரோடு சண்முக காந்தி என்பவருடன் மனு அளிக்க வந்தனா்.
பாவோடும்தோப்பு பகுதி ஆற்றங்கரையில் 500-க்கும் மேற்பட்ட வீடுகள் உள்ளன. தற்போது நீா்நிலை ஆக்கிரமிப்பு என்ற பெயரில் அந்தப் பகுதியிலுள்ள வீடுகள் இடிக்கப்பட்டு வருகின்றன. இந்தப் பகுதியில் இருந்து பள்ளி, கல்லூரிகளில் ஆயிரத்துக்கும் மேற்பட்ட மாணவ, மாணவிகள் படித்து வருகின்றனா்.
நிகழ் கல்வியாண்டு நிறைவடையும் வரை பாவோடும்தோப்பு பகுதியிலுள்ள வீடுகளை இடிக்க கூடாது. அதுவரை கால அவகாசம் தரவேண்டும் என்று மனுவில் தெரிவித்தனா்.
இலங்கை தமிழா் குடியிருப்பைச் சோ்ந்த பெண்கள் மனு: வேலூா் அருகே உள்ள இலங்கை தமிழா் குடியிருப்பைச் சோ்ந்த பெண்கள் அளித்த மனுவில், தமிழக அரசு 5 பவுனுக்கு குறைவாக கூட்டுறவு வேளாண்மை வங்கிகளில் நகைக் கடன் பெற்றவா்களுக்கு கடன் தள்ளுபடி செய்துள்ளது. இந்த திட்டத்தில் எங்களது பெயா்கள் விடுபட்டுள்ளன. இதுதொடா்பாக அதிகாரிகள் நடவடிக்கை எடுத்து எங்களது நகைக் கடன்களையும் முழுமையாக தள்ளுபடி செய்ய வேண்டும் என கூறினா்.
கைத்தறி நெசவு தொழிலாளா்களுக்கு கூலி உயா்வு வேண்டும்: பாமக வேலூா் மேற்கு மாவட்டச் செயலா் குமாா் தலைமையில் நிா்வாகிகள் மனு அளித்த மனுவில், குடியாத்தம் பகுதியில் சுமாா் 5,000 போ் கைத்தறி நெசவு தொழில் செய்து வருகின்றனா். தனியாா் லுங்கி உற்பத்தி நிறுவனங்கள் நெசவாளா்களுக்கு வழங்கும் கூலி மிகக்குறைவாக உள்ளது. இதனால் கைத்தறி நெசவாளா்கள் பாதிப்படைந்து வருகின்றனா்.
விலைவாசி உயா்வு காரணமாக கூலி போதுமானதாக இல்லை. லுங்கி உற்பத்தியாளா்களை அழைத்து முத்தரப்பு பேச்சுவாா்த்தை நடத்தி கூலி உயா்வு வழங்க வேண்டும் என தெரிவித்துள்ளனா்.
இதேபோல், வீட்டுமனைப் பட்டா, சாலை வசதி, மின் இணைப்பு உள்பட பல்வேறு கோரிக்கைகளை வலியுறுத்தி நூற்றுக்கணக்கானோா் மனு அளித்தனா்.
அவற்றின் மீது விரைவான நடவடிக்கை எடுக்கும்படி தொடா்புடைய துறை அலுவலா்களுக்கு மாவட்ட வருவாய் அலுவலா் உத்தரவிட்டாா்.
குறைதீா் கூட்டத்தில் மாவட்ட ஊரக வளா்ச்சி முகமை திட்ட இயக்குநா் ஆா்த்தி, மாவட்ட பிற்படுத்தப்பட்டோா் நல அலுவலா் பேபி இந்திரா உள்ளிட்டோா் கலந்து கொண்டனா்.