வேலூர்

பொதுமன்னிப்பு வழங்கி விடுதலை: ஆளுநருக்கு சாந்தன் கடிதம்

10th Jun 2022 12:05 AM

ADVERTISEMENT

 

வேலூா்: ராஜீவ் காந்தி கொலை வழக்கில் 30 ஆண்டுகளுக்கு மேலாக சிறைத் தண்டனை அனுபவித்து வரும் தனக்கு பொது மன்னிப்பு வழங்கி விடுதலை செய்ய வேண்டும் என தமிழக ஆளுநருக்கு சாந்தன் கடிதம் அனுப்பி உள்ளாா்.

முன்னாள் பிரதமா் ராஜீவ் காந்தி கொலை வழக்கில் ஆயுள் தண்டனை விதிக்கப்பட்ட முருகன், சாந்தன் ஆகியோா் வேலூா் மத்திய ஆண்கள் சிறையில் அடைக்கப்பட்டுள்ளனா். முருகனின் மனைவி நளினி வேலூா் பெண்கள் சிறையில் அடைக்கப்பட்டிருந்தாா். தற்போது அவா் பரோலில் வெளியே வந்து காட்பாடி பிரம்மபுரத்தில் உள்ள உறவினா் வீட்டில் தங்கி உள்ளாா். நளினிக்கு 5-ஆவது மாதமாக பரோல் நீட்டிக்கப்பட்டுள்ளது.

இதனிடையே, ராஜீவ் காந்தி கொலை வழக்கில் கைதான பேரறிவாளனை உச்சநீதிமன்றம் கடந்த மாதம் விடுதலை செய்தது. பேரறிவாளனின் விடுதலையைத் தொடா்ந்து இந்த வழக்கில் கைதான மற்ற 6 பேரும் தங்களையும் விடுதலை செய்யும்படி அரசுக்கு கோரிக்கை விடுத்து வருகின்றனா்.

ADVERTISEMENT

இந்த நிலையில், வேலூா் மத்திய சிறையிலுள்ள சாந்தன் தனது விடுதலை தொடா்பாக சிறை நிா்வாகம் மூலம் தமிழக ஆளுநா் ஆா்.என்.ரவிக்கு புதன்கிழமை கடிதம் ஒன்றை அனுப்பியுள்ளாா். அதில், முன்னாள் பிரதமா் ராஜீவ் காந்தி கொலை வழக்கில் கைதாகி 30 ஆண்டுகளுக்கு மேலாக சிறை வாழ்க்கை வாழ்ந்து வருகிறேன். இலங்கையில் வசித்த எனது தந்தை உயிரிழந்தபோது இறுதிசடங்குக்குக்கூட செல்ல அனுமதி அளிக்கப்படவில்லை.

தற்போது தாயாா் உடல்நலக்குறைவால் அவதிப்பட்டு வருகிறாா். தாயாரை கவனிக்கவும், குடும்பத்தைப் பிரிந்து அனைத்து ஆசைகளையும் மறந்து சிறை வாழ்க்கை வாழ்ந்து வரும் எனக்கு குடும்பத்துடன் இணைந்து வாழ வாய்ப்பளிக்கும் வகையில், பொது மன்னிப்பு வழங்கி விடுதலை செய்ய வேண்டும் எனத் தெரிவித்திருப்பதாக சிறைத் துறை உயா் அதிகாரிகள் தெரிவித்தனா்.

ADVERTISEMENT
ADVERTISEMENT