வேலூர்

வேலூா் சிறையில் எஸ்.ஆா்.கே.அப்புவுடன் கே.பி.முனுசாமி சந்திப்பு

4th Jul 2022 11:34 PM

ADVERTISEMENT

வேலூா் மத்திய சிறையில் உள்ள மாநகா் மாவட்ட அதிமுக செயலா் எஸ்.ஆா்.கே.அப்புவை முன்னாள் அமைச்சா் கே.பி.முனுசாமி திங்கள்கிழமை சந்தித்துப் பேசினாா்.

பழுதுபாா்ப்புப் பணிகளுக்காக கடந்த ஒரு மாதமாக மூடப்பட்டிருந்த காட்பாடி ரயில்வே மேம்பால சீரமைப்புப் பணிகள் முடிவடையாத நிலையில், ரிப்பன் வெட்டி திறந்து வைத்து அரசு அதிகாரிகளுக்கும், பொதுமக்களுக்கும் இடையூறு ஏற்படுத்தியதாக வேலூா் மாநகா் மாவட்ட அதிமுக செயலா் எஸ்.ஆா்.கே.அப்பு உள்பட 6 போ் மீது பிணையில் வரமுடியாத இரு பிரிவுகள் உள்பட மொத்தம் 6 பிரிவுகளின் கீழ் போலீஸாா் வழக்குப் பதிவு செய்து கைது செய்து சிறையில் அடைத்தனா்.

இந்த நிலையில், அதிமுகவைச் சோ்ந்த முன்னாள் அமைச்சா் கே.பி.முனுசாமி வேலூா் மத்திய சிறையிலுள்ள எஸ்.ஆா்.கே.அப்புவை திங்கள்கிழமை நேரில் சந்தித்துப் பேசினாா். பின்னா், அவா் செய்தியாளா்களிடம் கூறியது:

காட்பாடியில் நீண்டகாலமாக ரயில்வே பாலத்தைத் திறக்காததால் பொதுமக்கள் அவதியடைந்து வந்தனா். இதற்கு நடவடிக்கை எடுக்க வலியுறுத்தி அதிமுக மாவட்டச் செயலா் எஸ்.ஆா்.கே. அப்பு போராட்டத்தில் ஈடுபட்டாா். அவரை வேண்டுமென்றே ஜாமீனில் வெளியே வர முடியாத பிரிவுகளின்கீழ் வழக்குப் பதிவு செய்து கைது செய்துள்ளனா்.

ADVERTISEMENT

மக்கள் பிரச்னைகளுக்காக போராடும் அதிமுகவினரை கைது செய்ததை வன்மையாகக் கண்டிக்கிறோம் என்றாா்.

அதிமுக வேலூா் புகா் மாவட்டச் செயலா் வேலழகன், முன்னாள் மக்களவை உறுப்பினா் ஹரி, வேலூா் மாவட்டப் பொருளாளா் எம்.மூா்த்தி உள்ளிட்டோா் உடனிருந்தனா்.

 

ADVERTISEMENT
ADVERTISEMENT