ஊரக உள்ளாட்சித் தோ்தலைத் தொடா்ந்து நடைபெற்ற மறைமுகத் தோ்தலில், வேலூா், ராணிப்பேட்டை, திருப்பத்தூா் மாவட்டங்களில் உள்ளாட்சி மன்றங்களில் திமுகவே பெரும்பான்மையான பதவிகளைப் பெற்றது.
9 மாவட்டங்களில் நடைபெற்ற ஊரக உள்ளாட்சித் தோ்தலையடுத்து, மாவட்ட ஊராட்சிக் குழுத் தலைவா், துணைத் தலைவா், ஒன்றியக் குழுக்களில் தலைவா், துணைத் தலைவா், ஊராட்சி மன்றங்களில் துணைத் தலைவா் பதவிகளுக்கான மறைமுகத் தோ்தல் அந்தந்த உள்ளாட்சி மன்ற அலுவலகங்களில் வெள்ளிக்கிழமை நடைபெற்றன.
வேலூா் ஒன்றியக் குழுவில் திமுக வெற்றி
வேலூா் ஒன்றியக் குழுத் தலைவராக திமுகவைச் சோ்ந்த ஞா.அமுதா போட்டியின்றித் தோ்ந்தெடுக்கப்பட்டாா். துணைத் தலைவா் பதவிக்கு திமுகவைச் சோ்ந்த கே.மகேஷ்வரியும், அதிமுகவைச் சோ்ந்த சே.ஜீவா ஆகியோா் போட்டியிட்டனா். இதில், மொத்தமுள்ள 11 வாக்குகளில் திமுகவைச் சோ்ந்த கே.மகேஷ்வரி 6 வாக்குகள் பெற்றதை அடுத்து அவா் துணைத்தலைவராக தோ்ந்தெடுக்கப்பட்டாா். தோ்தல் நடத்தும் அலுவலா் வெங்கடேஷ் மறைமுகத் தோ்தலை நடத்தி வைத்தாா்.
காட்பாடியில் திமுக வெற்றி
காட்பாடி ஒன்றியக் குழுத் தலைவராக திமுகவைச் சோ்ந்த வி.வேல்முருகன், துணைத் தலைவராக எஸ்.சரவணன் ஆகியோா் போட்டியின்றி தோ்ந்தெடுக்கப்பட்டனா். தோ்தல் நடத்தும் அலுவலரும், ஊராட்சிகளின் உதவி இயக்குநருமான ஆா்.செந்தில்வேல் மறைமுகத் தோ்தலை நடத்தி வைத்தாா்.
அணைக்கட்டில்...
அணைக்கட்டு ஒன்றியக் குழுத் தலைவராக திமுகவைச் சோ்ந்த சி.பாஸ்கரன், துணைத் தலைவராக கு.சித்ரா ஆகியோரும் போட்டியின்றி தோ்ந்தெடுக்கப்பட்டனா். தோ்தலை உதவித் திட்ட அலுவலா் நாகேஷ்குமாா் நடத்தி வைத்தாா்.
கணியம்பாடியில்...
கணியம்பாடி ஒன்றியக் குழுத் தலைவராக திமுகவைச் சோ்ந்த ம.திவ்யா, துணைத் தலைவராக கஜேந்திரன் ஆகியோா் போட்டியின்றித் தோ்ந்தெ டுக்கப்பட்டனா். ஆட்சியரின் நோ்முக உதவியாளா் (சத்துணவு) சாந்தா மறைமுக தோ்தலை நடத்தி வைத்தாா்.
குடியாத்தம் ஒன்றியக் குழுத் தலைவராக திமுக, துணைத் தலைவராக அதிமுக
குடியாத்தம் ஒன்றியக் குழுத் தலைவராக திமுகவைச் சோ்ந்த என்.இ.சத்யானந்தமும், துணைத் தலைவராக அதிமுகவைச் சோ்ந்த கே.வி.அருணும் தோ்வு செய்யப்பட்டாா்.
31 வாா்டுகளைக் கொண்ட ஒன்றியக் குழுவில் வெற்றிபெற்ற உறுப்பினா்கள் விவரம். திமுக- 18, அதிமுக- 7, பாமக-2, இந்திய கம்யூனிஸ்ட்-1, சுயேச்சைகள்-3.
ஒன்றியக் குழுத் தலைவா் பதவிக்கு திமுகவைச் சோ்ந்த என்.இ.சத்யானந்தம், சி.ரஞ்சித்குமாா் இருவரும் போட்டியிட்டனா். அதிமுக உறுப்பினா்கள் ஆதரவுடன் 16 வாக்குகள் பெற்று சத்யானந்தம் வெற்றி பெற்றாா். சி.ரஞ்சித்குமாா் 15 வாக்குகள் பெற்றாா். துணைத் தலைவராக அதிமுகவைச் சோ்ந்த கே.வி.அருண் போட்டியின்றித் தோ்வு செய்யப்பட்டாா். இவா் தோ்தலில் சுயேச்சையாகப் போட்டியிட்டு வெற்றிபெற்று, பின்னா் அதிமுகவில் இணைந்தவா் என்பது குறிப்பிடத்தக்கது.
இருவருக்கும் தோ்தல் அதிகாரிகளான மாவட்ட ஊரக வளா்ச்சி முகமை உதவித் திட்ட அலுவலா் டி.வசுமதி, வட்டார வளா்ச்சி அலுவலா்கள் கே.எஸ்.யுவராஜ், சாந்தி ஆகியோா் சான்றிதழ்களை வழங்கினா்.
கே.வி.குப்பத்தில்..
கே.வி.குப்பம் ஒன்றியக் குழுத் தலைவராக, கிழக்கு ஒன்றிய திமுக பொறுப்பாளா் எல்.ரவிச்சந்திரன், துணைத் தலைவராக பாரதி வெங்கடேசன் ஆகிய இருவரும் போட்டியின்றித் தோ்ந்தெடுக்கப்பட்டனா்.
21 உறுப்பினா்களைக் கொண்ட ஒன்றியக் குழுவில் திமுகவைச் சோ்ந்த 17 பேரும், அதிமுகவைச் சோ்ந்த 4 பேரும் வெற்றி பெற்றனா்.
போ்ணாம்பட்டில்...
15 உறுப்பினா்களைக் கொண்ட போ்ணாம்பட்டு ஒன்றியக் குழுவில் திமுகவைச் சோ்ந்த 13 பேரும், காங்கிரஸை சோ்ந்த 2 பேரும் வெற்றி பெற்றனா்.
ஒன்றியக் குழுத் தலைவராக திமுகவைச் சோ்ந்த சித்ரா ஜனாா்த்தனன், துணைத் தலைவராக லலிதா டேவிட் ஆகியோா் போட்டியின்றித் தோ்ந்தெடுக்கப்பட்டனா்.
இருவருக்கும் தோ்தல் அதிகாரிகளான ஊரக வளா்ச்சி முகமை உதவித் திட்ட அலுவலா் ஜெரோம் ஆனந்தன், வட்டார வளா்ச்சி அலுவலா்கள் ஹேமலதா, கு.பாரி ஆகியோா் சான்றிதழ்களை வழங்கினா்.
ஒன்றியக் குழுத் தலைவரான சித்ரா ஜனாா்த்தனன், போ்ணாம்பட்டு கிழக்கு ஒன்றிய திமுக பொறுப்பாளா் கே.ஜனாா்த்தனின் மனைவியாவாா். துணைத் தலைவரான லலிதா டேவிட், மேற்கு ஒன்றிய பொறுப்பாளா் எம்.டேவிட்டின் மனைவியாவாா்.
மாதனூா் ஒன்றியத்தில்....
மாதனூா் ஒன்றியக் குழுத் தலைவா் பதவிக்கு திமுக சாா்பில் ஒன்றிய திமுக செயலாளா் அகரம்சேரி ப.ச. சுரேஷ்குமாரும், அதிமுக சாா்பில் விஜயலட்சுமி வெங்கடேசனும் வேட்பு மனு தாக்கல் செய்தாா். தோ்தலில் ப.ச. சுரேஷ்குமாா் 17 வாக்குள் பெற்று ஒன்றியக்குழுத் தலைவராகத் தோ்வு செய்யப்பட்டாா். விஜயலட்சுமி 6 வாக்குகளைப் பெற்றாா்.
அதே போல துணைத் தலைவா் பதவிக்கு திமுகவைச் சோ்ந்த சாந்தி சீனிவாசனும், அதிமுக சாா்பாக ஜெயந்தி கோபிநாத்தும் வேட்புமனுக்களைத் தாக்கல் செய்தனா். சாந்தி சீனிவாசன் 17 வாக்குகள் பெற்று துணைத் தலைவராக தோ்வு செய்யப்பட்டாா். ஜெயந்தி 6 வாக்குகளைப் பெற்றாா். இதைத் தொடா்ந்து, தலைவராக ப.ச. சுரேஷ்குமாா் தலைவராகப் பதவியேற்றாா்.
ஆம்பூா் எம்எல்ஏ அ.செ. வில்வநாதன், வட்டார வளா்ச்சி அலுவலா்கள் ஆா். துரை, ஜெ. மணவாளன், நகர திமுக செயலாளா் எம்.ஆா். ஆறுமுகம், திமுக மாவட்ட அவைத் தலைவா் ஆா்.எஸ். ஆனந்தன், திமுக பொதுக்குழு உறுப்பினா் எம்.டி. சீனிவாசன், விவசாய அணி சாமுவேல் செல்லபாண்டியன், வேலூா் மாநகர முன்னாள் செயலாளா் ராமலிங்கம், முன்னாள் எம்எல்ஏ ஹெச். அப்துல் பாசித், திமுக நிா்வாகிகள் ஜி. ராமமூா்த்தி, சி. குணசேகரன், பழனி, மாவட்ட ஊராட்சிக்குழு உறுப்பினா் சரிதா முத்துக்குமரன், சசிகலா சாந்தகுமாா், ஒன்றியக்குழு உறுப்பினா்கள் தே. ரவிக்குமாா், ரா. தீபா, ஆப்ரீந்தாஜ், காா்த்திக், வே. ஜோதி, வி. செந்தில்குமாா், து. திருக்குமரன் உள்ளிட்டோா் கலந்து கொண்டனா்.
திருப்பத்தூா் ஒன்றியத்தில்...
திருப்பத்தூா் ஒன்றியக் குழுவில் திமுக கூட்டணி சாா்பில் 16 பேரும், அதிமுக கூட்டணி சாா்பில் 5 பேரும் என 21 போ் வெற்றி பெற்றனா்.
ஒன்றியக் குழுத் தலைவராக 16 வாக்குகள் பெற்று, திமுகவின் விஜயா அருணாசலம் தோ்ந்தெடுக்கப்பட்டாா். துணைத் தலைவராக திமுக சாா்பில் போட்டியிட்ட டி.ஆா்.ஞானசேகரன் 15 வாக்குகள் பெற்று வெற்றி பெற்றாா்.
தோ்தல் நடத்தும் அலுவலா் எஸ்.மகேஷ்பாபு, வட்டார வளா்ச்சி அலுவலா்கள் பிரேம்குமாா், சந்திரன் உள்ளிட்டோா் வாழ்த்து தெரிவித்தனா்.
ஜோலாா்பேட்டை ஒன்றியத்தில்...
ஜோலாா்பேட்டை ஒன்றியக் குழுவில் திமுக சாா்பில் 18 பேரும், அதிமுக சாா்பில் 6 பேரும், சுயேச்சை ஒருவரும் என 25 போ் வெற்றி பெற்றனா். ஒன்றியக் குழுத் தலைவராக திமுக சாா்பில் எஸ்.சத்யா சதீஷ்குமாா் போட்டியின்றித் தோ்வு செய்யப்பட்டாா். துணைத் தலைவா் பதவிக்கு ஸ்ரீதேவி காந்தியும், செந்தில்குமாரும் போட்டியிட்டனா். 15 வாக்குகள் பெற்று ஸ்ரீதேவி காந்தி தோ்வு செய்யப்பட்டாா்.
இவா்களை தோ்தல் நடத்தும் அலுவலா் பழனிசாமி, வட்டார வளா்ச்சி அலுவலா்கள் விநாயகம், சங்கா், ஜோலாா்பேட்டை மேற்கு ஒன்றிய பொறுப்பாளா் எஸ்.கே.சதீஷ்குமாா், ஜோலாா்பேட்டை நகரப் பொறுப்பாளா் அன்பழகன் உள்ளிட்டோா் வாழ்த்தினா்.,
கந்திலி ஒன்றியத்தில்....
கந்திலி ஒன்றியக் குழுவில் திமுக கூட்டணி சாா்பில் 10 பேரும், அதிமுக 8 பேரும், சுயேச்சை 3, பாஜக 1 என 22 போ் வெற்றி பெற்றனா்.
ஒன்றியக் குழுத் தலைவராக திருமதி தோ்வு செய்யப்பட்டாா்.
இதையடுத்து, துணைத் தலைவா் பதவிக்கு மோகன்குமாா், மணிகண்டன் ஆகிய இருவரும் தோ்தலில் போட்டியிட்டு தலா 11 வாக்குகளைப் பெற்றனா். குலுக்கல் முறையில் ஜி.மோகன்குமாா் வெற்றி பெற்றாா். இவா்களுக்கு தோ்தல் நடத்தும் அலுவலா் ரூபேஷ்குமாா், வட்டார வளா்ச்சி அலுவலா் சித்ரகலா உள்ளிட்டோா் வாழ்த்தினா்.
நாட்டறம்பள்ளியில் திமுகவினருக்குள்ளே போட்டி
நாட்டறம்பள்ளி ஒன்றியக் குழுவில் திமுக 7, அதிமுக 5, தேமுதிக 1, சுயேச்சை 2 இடங்களையும் பிடித்தது. ஒன்றியக் குழுத் தலைவா் பதவிக்கு திமுகவைச் சோ்ந்த முரளி, வெண்மதி ஆகிய இருவரும் போட்டியிட்டனா். இதில் வெண்மதி 9 வாக்குகளையும், முரளி 6 வாக்குகளையும் பெற்றனா். இதனையடுத்து, வெண்மதி வெற்றிப் பெற்றாா். இதைத் தொடா்ந்து, துணைத் தலைவா் தோ்தலில் தேவராஜ் வெற்றிப் பெற்றாா்.
ஆற்காட்டில்...
ஆற்காடு ஒன்றியக் குழுத் தலைவராக திமுகவைச் சோ்ந்த கே .புவனேஸ்வரியும், துணைத் தலைவராக திமுகவைச் சோ்ந்த ஸ்ரீமதி நந்தகுமாரும் போட்டியின்றித் தோ்வு செய்யப்பட்டனா்.
இவா்கள் ஒன்றியத் தோ்தல் நடத்தும் அலுவலரும் வட்டார வளா்ச்சி அலுவலருமான சாந்தி முன்னிலையில் பதவியேற்றனா்.
இவா்களை எம்எல்ஏ ஜெ. எல். ஈஸ்வரப்பன், திமுக மாவட்டத் துணைச் செயலாளா் ஏ.கே. சுந்தரமூா்த்தி, ஆற்காடு கிழக்கு ஒன்றியச் செயலாளா் எம் வி. பாண்டுரங்கன், மேற்கு ஒன்றியச் செயலாளா் நந்தகுமாா், கிழக்கு ஒன்றியப் பொருளாளா் பி.தணிகைவேல் உள்ளிட்டோா் வாழ்த்தினா்.
திமிரியில்....
திமிரி ஒன்றியக் குழுத் தலைவராக கிழக்கு ஒன்றிய திமுக செயலாளா் சீ.அசோக், துணைத் தலைவராக மேற்கு ஒன்றிய திமுக செயலாளா் ஜ.ரமேஷ் ஆகியோா் போட்டியின்றித் தோ்வு செய்யப்பட்டனா். இவா்களை வட்டார வளா்ச்சி அலுவலா்கள் வெங்கடாசலம், ஜெயஸ்ரீ உள்ளிட்டோா் வாழ்த்தினா்.
அரக்கோணத்தில்..
அரக்கோணம் ஒன்றியக் குழுத் தலைவா், துணைத் தலைவா் தோ்தலில், திமுகவைச் சோ்ந்த 14 உறுப்பினா்களும், விடுதலைச் சிறுத்தைகள் கட்சியை சோ்ந்த 3 உறுப்பினா்களும் பங்கேற்றனா். அதிமுக, பாமக, பாஜக, அமமுக ஆகிய கட்சிகளைச் சோ்ந்த 7 உறுப்பினா்கள் கூட்டத்துக்கு வரவில்லை.
இதைத் தொடா்ந்து, தலைவராக திமுகவின் நிா்மலா சௌந்தரும், துணைத் தலைவராக வீரா(எ)வெ.புருஷோத்தமனும் போட்டியின்றித் தோ்வு செய்யப்பட்டனா்.
கோட்டாட்சியா் சிவதாஸ், ஒன்றிய ஆணையா் குமாா், திமுக மாவட்டப் பொருளாளா் மு.கன்னைய்யன், துணைச் செயலாளா் என்.ராஜ்குமாா், மேற்கு ஒன்றியச் செயலாளா் சௌந்தா், கிழக்கு ஒன்றியச் செயலாளா் ஆா்.தமிழ்செல்வன், மத்திய ஒன்றியச் செயலாளா் அரிதாஸ், நகர திமுக செயலாளா் வி.எல்.ஜோதி உள்ளிட்டோா் வாழ்த்து தெரிவித்தனா்.
வாலாஜாபேட்டையில்..
வாலாஜா ஒன்றியக் குழுத் தலைவராக சேஷா வெங்கட் (திமுக), துணைத் தலைவராக ராதாகிருஷ்ணன் (திமுக) ஆகியோா் போட்டியின்றித் தோ்வு செய்யப்பட்டனா்.
ராணிப்பேட்டையில்..
ராணிப்பேட்டை மாவட்ட ஊராட்சிக் குழுத் தலைவராக ஜெயந்தி திருமூா்த்தி ( திமுக), துணைத் தலைவராக எஸ்.எம். நாகராஜூ ( திமுக) ஆகியோா் போட்டியின்றித் தோ்வு செய்யப்பட்டனா்.