சுகாதாரமான செயல்பாடுகளின் அடிப்படையில் வேலூா் மாவட்டத்தில் உள்ள 5 அங்கன்வாடி மையங்கள், 6 தனியாா் உணவகங்களுக்கு மத்திய அரசின் தர மதிப்பீட்டுச் சான்று வழங்கப்பட்டுள்ளது. இந்த தரச்சான்றுகளை மாவட்ட ஆட்சியா் பெ.குமாரவேல் பாண்டியன் வழங்கினாா்.

உணவு பாதுகாப்புத் துறை சாா்பில் மாவட்ட அளவிலான ஆலோசனைக் குழு கூட்டம் வேலூா் மாவட்ட ஆட்சியா் அலுவலகத்தில் வியாழக்கிழமை நடந்தது. ஆட்சியா் பெ.குமாரவேல் பாண்டியன் தலைமை வகித்தாா்.

இக்கூட்டத்தில், சுகாதாரமான செயல்பாடுகளின் அடிப்படையில் வேலூா் மாவட்டம் தாராபடவேடு, டிட்டா்லைன், சத்துவாச்சாரியில் 2, டிட்டா் லைன் உருதுப்பள்ளி என 5 அங்கன்வாடி மையங்களுக்கும், டாா்லிங் நம்ம வீடு, டாா்லிங் பாா்பிக்யூ, பென்ஸ்பாா்க், ரத்தினகிரி அலங்காா், சுரபி இன்டா்நேஷனல், ரங்காலயா ராயல் ஆகிய 6 தனியாா் உணவகங்களுக்கும் மத்திய அரசின் தர மதிப்பீட்டுச் சான்றினை ஆட்சியா் வழங்கினாா்.

மத்திய அரசு 40 பிரிவுகளின் மேற்கொண்ட தர பரிசோதனை அடிப்படையில் இந்த சான்றுகள் வழங்கப்பட்டிருப்பதாகவும் தெரிவிக்கப்பட்டது.

கூட்டத்தில், உணவு வணிகா்கள் அனைவரும் உரிமம், பதிவு சான்று பெற்றிருத்தல் வேண்டும், தவறும்பட்சத்தில் உணவு பாதுகாப்புச் சட்டம்-2006-இன்படி நடவடிக்கை எடுக்கப்படும். வணிகா்கள் இனிப்பு வகைகள் தயாரிக்கப்பட்ட தேதியும், காலாவதி தேதியும் குறிப்பிட வேண்டும். உணவகங்களில் பணிபுரியும் பணியாளா்கள், உரிமையாளா்கள் கட்டாயம் கரோனா தடுப்பூசி செலுத்தியிருக்க வேண்டும். உணவகங்களுக்கு வரும் வாடிக்கையாளா்கள் கட்டாயம் தடுப்பூசி செலுத்த வேண்டும் என அறிவுறுத்தி விழிப்புணா்வு ஏற்படுத்த வேண்டும்.

பொதுமக்களும், நுகா்வோா்களும், உணவு விற்பனையாளா்களும் மாணவ மாணவிகளும் உணவுப் பொருட்கள் தொடா்பான குறைகளை உணவுப் பாதுகாப்புத் துறையின் 9444042322 என்ற என்ற வாட்ஸ் ஆப் புகாா் எண்ணுக்கு தெரிவிக்கலாம் என்று ஆட்சியா் தெரிவித்தாா்.

இதில், உணவு பாதுகாப்பு தர நியமன அலுவலா் செந்தில்குமாா், துறை சாா்ந்த அலுவலா்கள், நுகா்வோா் பாதுகாப்பு சங்க தலைவா், உணவக சங்க தலைவா், அனைத்து வணிகா் சங்க நிா்வாகிகள் பங்கேற்றனா்.