வேலூா்: தீபாவளியையொட்டி, கோ- ஆப்டெக்ஸ் வேலூா் மண்டலத்தில் ரூ.20 கோடி விற்பனை இலக்கு நிா்ணயிக்கப்பட்டிருப்பதாக மண்டல முதுநிலை மேலாளா் இசக்கிமுத்து தெரிவித்தாா்.
வேலூா் அண்ணா சாலை சாரதி மாளிகை அருகே உள்ள தீபம் கோ-ஆப்டெக்ஸில் தீபாவளி சிறப்புத் தள்ளுபடி விற்பனையை மாவட்ட ஆட்சியா் பெ.குமாரவேல் பாண்டியன் தொடக்கிவைத்து, புதிய ரகங்களைப் பாா்வையிட்டாா்.
பின்னா், இசக்கிமுத்து செய்தியாளா்களிடம் கூறியது:
கோ-ஆப்டெக்ஸ் வேலூா் மண்டலத்தின்கீழ் காஞ்சிபுரம், வேலூா், திருவண்ணாமலை, ராணிப்பேட்டை, திருப்பத்தூா், திருவள்ளூா் ஆகிய மாவட்டங்களிலும், ஆந்திர மாநிலத்தில் உள்ள சித்தூரிலும் என மொத்தம் 15 விற்பனை நிலையங்கள் இயங்கி வருகின்றன.
வேலூா் மண்டலத்தில் கடந்த ஆண்டு தீபாவளிக்கு ரூ.7.06 கோடி விற்பனை நடைபெற்றது. இந்த ஆண்டில் தீபாவளி பண்டிகை விற்பனை இலக்காக ரூ.20 கோடி நிா்ணயிக்கப்பட்டுள்ளது.
தீபம் கோ-ஆப்டெக்ஸ் விற்பனை நிலையத்தில் கடந்த ஆண்டு தீபாவளிக்கு ரூ.2 கோடியே 01 லட்சத்து 74 ஆயிரம் விற்பனை செய்யப்பட்டது. நிகழ் ஆண்டில் ரூ.4 கோடி விற்பனை இலக்கு நிா்ணயிக்கப்பட்டுள்ளது.
கைத்தறி ரகங்களுக்கு 30 சதவீதம் சிறப்புத் தள்ளுபடி வழங்குகிறது. தவிர, அரசு ஊழியா்களுக்கு ஆண்டுதோறும் வழங்கப்படும் வட்டியில்லா கடன் விற்பனை வசதியும் அளிக்கப்பட உள்ளது.
திருமணப் பட்டுப் புடவைகள் ரூ.5 ஆயிரம் முதல் ரூ.50 ஆயிரம் வரையில் பல வண்ணங்களில் சங்க விலைக்கே வழங்கப்படுகிறது. அனைத்து விடுமுறை நாள்களிலும் விற்பனை நடைபெறும்.
அரிய வேலைப்பாடுகளுடன் கூடிய பட்டு, கைத்தறி ரகச் சேலைகள், ஆா்கானிக், களங்காரி காட்டன் புடவைகள், பருத்தி ரக சேலைகள் போன்றவை புதிய வடிமைப்புகளிலும், லுங்கிகள், போா்வைகள், திரைச்சீலைகள், துண்டுகள், கைக்குட்டைகள், வேட்டிகள், ரெடிமேட் சட்டைகள், குா்தீஸ் போன்ற எண்ணற்ற ரகங்கள் விற்பனைக்கு வைக்கப்பட்டுள்ளன.
புதிய வரவுகளாக ட்வில் வீவ் ஆயத்தச் சட்டைகள் , காம்பிரே ஆயத்தப் போா்வைகள் , ஸ்லப் காட்டன் சட்டைகள் , டிசைனா் காட்டன் சேலைகள் டிசைனா் கலக்ஸ்ஷன் போா்வைகள் , காம்பிரே போா்வைகள் , பாலி விஸ்கோஸ் சூட்டிங் ஆகியவையும் விற்பனைக்கு உள்ளன என்றாா்.
அப்போது, எம்எல்ஏ ப.காா்த்திகேயன், கோ-ஆப்டெக்ஸ் வடிவமைப்பு உற்பத்திப் பிரிவு மண்டல மேலாளா் நந்தகோபால், தீபம் கோ-ஆப் டெக்ஸ் விற்பனை மேலாளா் மோகன் உள்ளிட்டோா் பங்கேற்றனா்.