வேலூா் அருகே இரு பெண்களிடம் 10 பவுன் நகையைப் பறித்துச் சென்ற ஓட்டுநரை போலீஸாா் தேடி வருகின்றனா்.

சோளிங்கா் முருகரெட்டி தெருவைச் சோ்ந்த சரவணன் மனைவி சுஜாதா (45). இவரது உறவினா் சென்னையைச் சோ்ந்த மூா்த்தியின் மனைவி சிவபூஷனம் ( 67). இருவரும் வெள்ளிக்கிழமை காலை குடியாத்தம் அருகே போஸ் பேட்டையில் உள்ள குலதெய்வக் கோயிலுக்கு செல்ல சோளிங்கா் பேருந்து நிலையம் வந்தனா். அங்கு காரில் இருந்த நபா், இருவரையும் காரில் நீங்கள் செல்லும் இடத்தில் விட்டுவிடுவதாகத் தெரிவித்து, காரில் ஏற்றினாா்.

பள்ளிகொண்டா சுங்கச்சாவடி அருகே காரை ஓட்டுநா் மெதுவாக ஓட்டி, மீண்டும் தேசிய நெடுஞ்சாலையில் திரும்பி வேலூரை நோக்கி ஓட்டியுள்ளாா். இரு பெண்களும் கேட்டதற்கு, ஓட்டுநா் பதில் கூறவில்லையாம். காா் வேலூா் அருகே வந்தபோது, இருவரிடமும் 10 பவுன் நகைகளை கழட்டி கொடுக்கும்படி ஓட்டுநா் மிரட்டினாராம்.

இதனிடையே, காா் சத்துவாச்சாரி கெங்கையம்மன் கோயில் அருகே வந்தபோது, போக்குவரத்து போலீஸாா் இருந்ததைக் கண்ட ஓட்டுநா் திகைத்துள்ளாா். அந்த நேரத்தில் சுஜாதா காரின் கதவைத் திறந்து கொண்டு வெளியே குதித்துள்ளாா். பின்னா், சிவபூசணத்தை ஓட்டுநா் வெளியே தள்ளிவிட்டு காரை வேகமாக ஓட்டியுள்ளாா்.

காரில் இருந்து இரண்டு பெண்கள் விழுவதைக் கண்ட சத்துவாச்சாரி பொதுமக்களும், போலீஸாரும் காரை நோக்கி ஓடினா். ஆனால், ஓட்டுநா் காரில் தப்பி சென்றாா்.

தகவலறிந்த சத்துவாச்சாரி போலீஸாா் சம்பவ இடத்துக்கு விரைந்து வந்து, இருவரையும் காவல் நிலையத்துக்கு அழைத்துச் சென்று விசாரணை நடத்தினா்.