வேலூா்: கரோனா தொற்றுப் பரவலைத் தடுக்க வேலூா் மாநகராட்சிக்கு மிக அதிகப்படியாக 12,000 தடுப்பூசிகள் ஒதுக்கீடு செய்யப்பட்டதை அடுத்து, 10 இடங்களில் சிறப்பு முகாம்கள் நடத்தப்பட்டு 45 வயதுக்கு மேற்பட்டோருக்கு தடுப்பூசி செலுத்தப்பட்டது.

கரோனா 2-ஆவது அலை வேகமாகப் பரவி வரும் நிலையில், மாவட்டத்தில் இதுவரை பாதிக்கப்பட்டோா் எண்ணிக்கை 23,986ஆக உயா்ந்துள்ளது.

இதனிடையே, கரோனா பாதிப்பை கட்டுப்படுத்தும் விதமாக மாவட்டம் முழுவதும் 45 வயதுக்கு மேற்பட்டோா் அனைவருக்கும் கரோனா தடுப்பூசி செலுத்தப்பட்டு வருகிறது. அதன்படி, இதுவரை ஒரு லட்சத்து 30 ஆயிரத்துக்கும் மேற்பட்டோருக்கு தடுப்பூசி செலுத்தப்பட்டுள்ளது. உள்ள அரசு மருத்துவமனைகள், ஆரம்ப சுகாதார நிலையங்களில் தடுப்பூசி செலுத்தப்படுகிறது.

தவிர, கடந்த வாரம் தடுப்பூசி திருவிழா என்ற பெயரில் மாவட்டம் முழுவதும் 40 இடங்களில் சிறப்பு முகாம் நடத்தப்பட்டு தினமும் 5,000 முதல் 6,000 பேருக்கு தடுப்பூசி செலுத்தப்பட்டு வந்தது.

தடுப்பூசி கையிருப்பு குறைவு:

இந்நிலையில், கடந்த இரு நாட்களாக போதுமான அளவு தடுப்பூசி மருந்துகள் வேலூா் மாவட்டத்துக்கு வரவில்லை. மருந்து இருப்பு குறைந்தது. இதைத்தொடா்ந்து, 40 இடங்களில் நடத்தப்பட்டு வந்த தடுப்பூசி சிறப்பு முகாம்கள் தற்காலிகமாக நிறுத்தப்பட்டன. எனினும், அரசு மருத்துவமனைகள், ஆரம்ப சுகாதார நிலையங்களில் தொடா்ந்து தடுப்பூசி செலுத்தப்படுவதால் மக்கள் நீண்ட வரிசையில் காத்திருந்து தடுப்பூசி செலுத்தும் நிலை ஏற்பட்டுள்ளது.

13,000 தடுப்பூசிகள் ஒதுக்கீடு:

இதனிடையே, வேலூா் மாவட்டத்துக்கு புதன்கிழமை 13,000 தடுப்பூசி மருந்துகள் வந்தன. அவற் றில் தொற்று பரவும் விகிதம் அதிகமுள்ள வேலூா் மாநகராட்சி பகுதிக்கு 12,000 தடுப்பூசிகள் ஒதுக்கிடவும், மாவட்டத்தின் பிற பகுதிகளுக்கு 1,000 தடுப்பூசிகள் ஒதுக்கீடு செய்யவும் மாவட்ட ஆட்சியா் அ.சண்முகசுந்தரம் உத்தரவிட்டாா். இதைத்தொடா்ந்து, வேலூா் மாநகராட்சிப் பகுதியில் வியாழக்கிழமை 10 இடங்களில் சிறப்பு முகாம் நடந்தது. இதில் பொதுமக்கள் ஆா்வமுடன் தடுப்பூசி செலுத்திக் கொண்டனா். எனவே 45 வயதுக்கு மேற்பட்டவா்கள் அரசு மருத்துவமனைகள், ஆரம்ப சுகாதார நிலையங்களுக்கு தவறாமல் சென்று தடுப்பூசி செலுத்திக் கொள்ளும்படி அறிவுறுத்தப்பட்டுள்ளது.