வேலூா்: வேலூா் அருகே இரு வேறு இடங்களில் நடைபெற்ற வாகனச் சோதனைகளில் இரு லாரிகள் பறிமுதல் செய்யப்பட்டு, 34 டன் ரேஷன் அரிசி பறிமுதல் செய்யப்பட்டது.

பள்ளிகொண்டா சுங்கச்சாவடியில் வருவாய்த் துறை அதிகாரிகள் நடத்திய சோதனையில், கா்நாடக மாநிலத்துக்கு கடத்தப்பட இருந்த 19 டன் ரேஷன் அரிசியுடன் லாரி பறிமுதல் செய்யப்பட்டது. இதுதொடா்பாக லாரியில் இருந்த ஒருவரைப் பிடித்து போலீஸாா் விசாரணை நடத்தி வருகின்றனா்.

வேலூா் மாவட்டத்தில் இருந்து ரேஷன் அரிசி வேறு மாநிலங்களுக்கு கடத்தப்படுவதைத் தடுக்க ஆட்சியா் உத்தரவின்பேரில், சிறப்பு பறக்கும் படை அமைக்கப்பட்டுள்ளது. இப்படையினா் சென்னை - பெங்களூரு தேசிய நெடுஞ்சாலையில் பள்ளிகொண்டா சுங்கச்சாவடியில் ஞாயிற்றுக்கிழமை நள்ளிரவு தீவிர வாகனச் சோதனையில் ஈடுபட்டிருந்தனா்.

அப்போது, அந்த வழியாக வந்த லாரியை நிறுத்தி சோதனையிட்டதில், 19 டன் ரேஷன் அரிசி இருந்தது தெரியவந்தது. அவை கா்நாடக மாநிலத்துக்கு கடத்திச் செல்ல முயன்றது தெரியவந்தது. இதையடுத்து, லாரியுடன் 19 டன் ரேஷன் அரிசியைப் பறிமுதல் செய்தனா்.

இதேபோல், பொய்கை அருகே மோட்டூா் பகுதியில் திங்கள்கிழமை நடைபெற்ற வாகனச் சோதனையில் லாரியுடன் 15 டன் ரேஷன் அரிசி பறிமுதல் செய்யப்பட்டது.