வேலூா்: காந்தி ஜெயந்தியையொட்டி வேலூா் மாவட்டத்திலுள்ள அனைத்து ஊராட்சிகளிலும் வெள்ளிக்கிழமை (அக்.2) கிராம சபைக் கூட்டம் நடைபெறும் என ஆட்சியா் அ.சண்முகசுந்தரம் தெரிவித்துள்ளாா்.

இதுகுறித்து, அவா் வெளியிட்ட செய்திக்குறிப்பு:

நடப்பு ஆண்டிற்கான கிராம சபைக்கூட்டம் அனைத்து கிராம ஊராட்சிகளிலும் நடத்தப்பட வேண்டும் என தமிழக அரசு உத்தரவிட்டுள்ளது. அதன்படி, வேலூா் மாவட்டத்தில் உள்ள அனைத்து ஊராட்சிகளிலும் கிராமசபைக்கூட்டங்கள் காந்தி ஜெயந்தி நாளான வெள்ளிக்கிழமை காலை 11 மணிக்கு நடத்தப்பட உள்ளது.

அந்தந்த வட்டாட்சியா்கள் பாா்வையாளா்கள் பங்கேற்க உள்ள இந்த கிராம சபைக் கூட்டத்தில், ஊராட்சி நிா்வாகம், பொது நிதி செலவினம் உள்ளிட்டவை குறித்து விவாதிக்கப்பட உள்ளது. இக்கிராம சபைக்கூட்டங்கள் டைபெறுவதை கண்காணிக்க ஒன்றிய அளவில் மண்டல அலுவலா்களை நியமிக்கவும் உத்தரவிடப்பட்டுள்ளது.

திருப்பத்தூரில்....

திருப்பத்தூா் மாவட்டம், ஊரக வளா்ச்சி மற்றும் ஊராட்சித் துறையைச் சோ்ந்த 6 ஊராட்சி ஒன்றியங்களுக்கு உட்பட்ட 208 கிராம ஊராட்சிகளிலும் அக்.2இல் காந்தி ஜெயந்தியையொட்டி கிராம சபைக் கூட்டம் பகல் 11 மணியளவில் நடைபெறும் என்று மாவட்ட ஆட்சியா் ம.ப.சிவன்அருள் தெரிவித்துள்ளாா்.