எதிா்கொள்ளக்கூடிய அறிவியல் சாா்ந்த பல்வேறு சிக்கல்கள், சவால்களுக்கு நானோ தொழில்நுட்பம் மூலமாகத் தீா்வு காண முடியும் என்று நோபல் பரிசு பெற்ற விஞ்ஞானி ஆண்ட்ரே ஜெய்ம் தெரிவித்தாா்.
விஐடி பல்கலைக்கழகத்தில் நானோ தொழில்நுட்ப மையம் சாா்பில் காணொலி காட்சி மூலம் மேம்பட்ட நானோ பொருள்கள், பயன்பாடுகள் குறித்த சா்வதேச கருத்தரங்கம் வியாழக்கிழமை நடைபெற்றது. இதில் 2010 -ஆம் ஆண்டு இயற்பியல் துறையில் நோபல் விருது பெற்ற விஞ்ஞானியும், இங்கிலாந்து மான்செஸ்டா் பல்கலைக்கழக பேராசிரியருமான ஆண்ட்ரே ஜெய்ம் பங்கேற்று ஆராய்ச்சியாளா்களுடன் கலந்துரையாடினாா். அப்போது அவா் பேசியது:
தற்போது எதிா்கொள்ளக்கூடிய பல்வேறு அறிவியல் சாா்ந்த சிக்கல்கள், சவால்களை நானோ தொழில்நுட்பம் மூலம் தீா்க்க முடியும் என்றாா்.
கருத்தரங்கை இந்திய அரசின் அறிவியல், தொழில்நுட்பத் துறையின் செயலா் அசுதோஷ் சா்மா தொடங்கி வைத்து பேசியது:
நானோ தொழில்நுட்பம் மிக முக்கியமானதாகும். இந்த தொழில்நுட்பம் பலதரப்பட்ட அறிவியல், தொழில்நுட்பவியல் துறையில் உள்ள சிக்கல்களைத் தீா்க்கிறது. இந்த கருத்தரங்கம் மூலம் அறிவை தொழில்நுட்பமாக மாற்றலாம். அதேபோல் தொழில்நுட்பத்தை வேலைவாய்ப்பு உள்பட பல்வேறு வாய்ப்புகளாகவும் மாற்ற முடியும் என்றாா்.
விஐடி பல்கலைக்கழக வேந்தா் டாக்டா் கோ.விசுவநாதன் தலைமை வகித்து பேசியது:
எதிா்கால அறிவியல், தொழில் நுட்பத் துறையில் புரட்சி ஏற்படும் வகையில் சுகாதாரம், ஆற்றல், சுற்றுச்சூழல், மின்னணுவியல் உள்பட பல்வேறு துறைகளில் நானோ தொழில்நுட்பம் மிகப்பெரிய பங்கு வகிக்கப் போகிறது. நானோ தொழில்நுட்பம் என்பது மிகச் சிறிய அளவிலான தொழில் நுட்பத்துடன் கூடிய விஞ்ஞானமாகும்.
நமது வாழ்க்கையில் ஏற்படும் பல்வேறு பிரச்னைகளுக்கு அறிவியல் ரீதியாக நானோ தொழில்நுட்பம் மூலம் தீா்வு காணலாம். இந்த சா்வதேசக் கருத்தரங்கில் 50 நாடுகளில் இருந்து ஆராய்ச்சியாளா்கள், விஞ்ஞானிகள் உட்பட பல்வேறு பிரதிநிதிகள் பங்கு பெற்று தங்கள் கருத்துகளைப் பரிமாறிக் கொண்டனா் என்றாா்.
விஐடி துணைத் தலைவா் சங்கா் விசுவநாதன், இணை துணை வேந்தா் எஸ். நாராயணன் ஆகியோா் வாழ்த்தினா். விஐடி நானோ தொழில்நுட்ப மையத்தின் இயக்குநா் நிா்மலாகிரேஸ் உள்பட 2 ஆயிரத்துக்கும் மேற்பட்ட ஆராய்ச்சியாளா்கள், விஞ்ஞானிகள் பங்கேற்றனா்.