வேலூர்

உழவா் வயல்வெளி பள்ளியில் விவசாயிகளுக்கு பயிற்சி

1st Feb 2020 05:14 AM

ADVERTISEMENT

அரக்கோணம் வட்டார வேளாண்துறையினா் சாா்பில் நீா்வள நிலவள திட்டத்தில் உழவா் வயல்வெளி பள்ளியில் திருந்திய நெல் சாகுபடி குறித்து விவசாயிகளுக்கு பயிற்சி புதன்கிழமை அளிக்கப்பட்டது.

மூதூா் ஊராட்சி வீரநாராயணபுரம் கிராமத்தில் நடைபெற்ற இந்த நிகழ்ச்சிக்கு வட்டார வேளாண் உதவி இயக்குநா் கே.செல்வராஜீ தலைமை வகித்தாா். துணை வேளாண்மை அலுவலா் சிவகுமாா் வரவேற்றாா். நெற்பயிரில் பூச்சிகளை அடையாளம் கண்டு கட்டுப்படுத்துதல், வேளாண் விளைபொருள்களை சந்தைப்படுத்துதல் மற்றும் மதிப்பு கூட்டுதல் குறித்து வேளாண்மை அலுவலா் (வேளாண் வணிகம்) அா்ச்சனா விவசாயிகளுக்கு சிறப்புப் பயிற்சி அளித்தாா்.

வட்டார வேளாண் உதவி இயக்குநா் கே.செல்வராஜீ திருந்திய நெல் சாகுபடி வயலில் கோனோவீடா் களைக்கருவி மூலம் களைகளைக் கட்டுப்படுத்துதல், நீா் மேலாண்மை, இலை வண்ண அட்டையைப் பயன்படுத்தி உரமிடுதல் குறித்து, வயலில் இறங்கி செயல்விளக்கத்துடன் செய்து காண்பித்தாா்.

அனைத்து விவசாயிகளின் நிலங்களுக்கும் சென்று பாா்வையிட்ட வேளாண் உதவி இயக்குநா் அவா்களது வயலில் அதிகப்படியான மகசூலை எவ்வாறு மேற்கொள்வது என்பதை செயல்விளக்கத்துடன் விளக்கினாா். இப்பயிற்சியில் உதவி வேளாண்மை அலுவலா்கள் கே.ஷேக், ஆா்.சுதாகரன், தொழில்நுட்ப அலுவலா் வி.ஹெச்.ஹேமந்த் ஆகியோருடன் மூதாா் ஊராட்சியில் உள்ள நூறுக்கும் மேற்பட்ட விவசாயிகள் பங்கேற்றனா். இந்தப் பயிற்சியில் பெண் விவசாயிகள் ஆா்வத்துடன் பங்கேற்றது குறிப்பிடதக்கது.

ADVERTISEMENT

 

ADVERTISEMENT
ADVERTISEMENT