வேலூா்: வேலூரில் கல்லூரி மாணவா்கள் 150 பேருக்கு மொத்தம் ரூ.40 லட்சம் கல்வி உதவித்தொகைக்கான காசோலைகளை நாராயணி பீடம் சக்தி அம்மா வழங்கினாா். நிகழ்ச்சியில் மத்திய எஃகுத் துறை இணை அமைச்சா் ஃபக்கன் சிங் குலஸ்தே பங்கேற்றாா்.

வேலூரை அடுத்த ஸ்ரீபுரம் நாராயணி பீடத்தின் வித்யா நேத்ரம் திட்டத்தின் கீழ் கல்லூரி மாணவா்களுக்கு கல்வி உதவித்தொகை வழங்கும் விழா சனிக்கிழமை நடைபெற்றது. மாவட்ட காவல் கண்காணிப்பாளா் எஸ்.செல்வகுமாா் முன்னிலை வகித்தாா்.

இதில், 150 மாணவா்களுக்கு ரூ.40 லட்சம் கல்வி உதவித்தொகைகள் வழங்கப்பட்டன. நாராயணி பீடம் சக்தி அம்மா தலைமை வகித்து மாணவா்களுக்கு காசோலைகளை வழங்கிப் பேசியது:

ஹிந்து தா்மத்தில் மனிதா்களை நல்வழிப்படுத்துவதற்கு ஏராளமான விஷயங்கள் கூறப்பட்டுள்ளன. ஓரிரு வரிகளில் உள்ள பொன்மொழிகளில் அதிகப்படியான அா்த்தங்கள் இடம்பெற்றுள்ளன. மனிதா்கள் நல்ல வாழ்க்கை வாழ அவா்களுக்கு பூா்வஜென்ம புண்ணியம் வேண்டும். வாழ்வில் முயற்சிகள் இருந்தாலும் கடவுள் அருள் இருந்தால்தான் பலன் கிடைக்கும். இல்லாதவா்களுக்கு உதவுவதன் மூலம் கடவுளின் ஆசிா்வாதத்தைப் பெறலாம்.

நாட்டில் பலரும் பலவழிகளில் கல்வி கற்க ஆசைப்படுகின்றனா். ஆனால், அவா்கள் எல்லோரு க்கும் அத்தகைய வாய்ப்பு கிடைத்துவிடுவதில்லை. அத்தகைய வாய்ப்பற்ற நிலையில் உள்ள மாணவா்களுக்கு வித்யாநேத்ரம் திட்டத்தின் மூலம் கல்வி உதவி அளிக்கப்படுகிறது. இந்த உதவியைப் பெறும் மாணவா்கள் வாழ்க்கையில் நல்ல நிலைக்கு உயா்ந்து பின்னா் அவா்களும் உதவிகள் புரிய வேண்டும் என்றாா்அவா்.

விழாவில் மத்திய எஃகுத் துறை இணை அமைச்சா் ஃபக்கன் சிங் குலஸ்தே சிறப்பு விருந்தினராக பங்கேற்றுப் பேசியது:

வேலூா் நாராயணி பீடம் திருமலைக்கோடியில் சிறிய கோயிலாக இருந்து ஸ்ரீபுரம் என பெரிய அளவில் வளா்ந்துள்ளது. நாராயணி பீடம் கல்வி, மருத்துவம் என பல்வேறு வழிகளில் சமுதாய நலனுக்கு சேவை புரிந்து வருவது வரவேற்கத்தக்கது. வித்யா நேத்ரம் திட்டம் மூலம் உதவித்தொகை பெறும் மாணவா்கள் வாழ்க்கையில் நல்லநிலைக்கு உயா்ந்திட வேண்டும் என்றாா் அவா்.

ஸ்ரீபுரம் தங்கக்கோயில் இயக்குநா் சுரேஷ்பாபு, நாராயணி பீடம் மேலாளா் சம்பத் உள்பட பலா் பங்கேற்றனா்.