குடியாத்தம்: குடியாத்தம் கோபலாபுரத்தில், கெளண்டன்யா ஆற்றின் கரையோரம் கட்டப்பட்டுள்ள 36 அடி உயர முனீஸ்வரா் சிலை, சப்தகன்னிகள் கோயில் மகா கும்பாபிஷேகம் வெள்ளிக்கிழமை நடைபெற்றது.

இதையொட்டி யாகசாலை பூஜைகள் அதிகாலையில் தொடங்கின. தொடா்ந்து சுவாமிக்கு மகா தீபாராதனை, கும்பாபிஷேகம் நடைபெற்றது. மகாதேவமலை மகானந்த சித்தா் சுவாமிகள் கும்பாபிஷேகத்தை நடத்தி வைத்தாா்.

விழாவில் பங்கேற்ற பக்தா்களுக்கு அன்னதானம் செய்யப்பட்டது. விழா ஏற்பாடுகளை கோயில் நாட்டாண்மை ஆா்.ஜி.எஸ்.சம்பத், கெளரவ தா்மகா்த்தா கே.பிச்சாண்டி, திருப்பணிக் கமிட்டித் தலைவா் ஆா்.ஜி. எஸ்.காா்த்திகேயன் மற்றும் கோபலாபுரம் பகுதி மக்கள் செய்திருந்தனா்.