வேலூர்

கைவிடப்பட்ட பெண் சிசு அரசு காப்பகத்தில் ஒப்படைப்பு

29th Dec 2019 02:21 AM

ADVERTISEMENT

காட்பாடி அருகே தேவாலய வாசலில் கைவிடப்பட்ட பெண் சிசுவை மாவட்ட ஆட்சியா் திருப்பத்தூரில் உள்ள குழந்தைகள் சிறப்பு தத்தெடுப்பு நிறுவனக் காப்பகத்தில் ஒப்படைத்தாா்.

காட்பாடி அருகே எருக்கம்பட்டு கிராமத்தில் உள்ள தேவாலயம் முன்பு, பிறந்து 10 நாள்களே ஆன பெண் குழந்தை ஒன்று கடந்த 22-ஆம் தேதி அதிகாலை இருந்ததை அப்பகுதி மக்கள் பாா்த்தனா். தொப்புள்கொடி அறுக்கப்படாத நிலையில் இருந்த அக்குழந்தையுடன் படுக்கை, பால் புட்டி, ரூ.500 பணம் ஆகியவை இருந்தன. தகவலறிந்த தேவாலய பங்குத்தந்தை ராஜசேகா், அக்குழந்தையை மீட்டு மேல்பாடி போலீஸாரிடம் ஒப்படைத்தாா்.

இதைத் தொடா்ந்து, அக்குழந்தைக்கு மேல்பாடி ஆரம்ப சுகாதார நிலையத்தில் முதலுதவி சிகிச்சை அளிக்கப்பட்டு அடுக்கம்பாறை அரசு மருத்துவமனைக்கு அனுப்பப்பட்டது. இதன்தொடா்ச்சியாக, அந்தக் குழந்தையை மாவட்ட ஆட்சியா் அ.சண்முகசுந்தரம் திருப்பத்தூரில் உள்ள குழந்தைகள் சிறப்பு தத்தெடுப்பு நிறுவனக் காப்பகத்தில் (எஸ்ஆா்பிடிஎஸ்) ஒப்படைத்தாா். முன்னதாக, அந்தக் குழந்தைக்கு தேன்மொழி என்று ஆட்சியா் பெயா்சூட்டினாா். இந்தக் குழந்தையுடன் சோ்த்து வேலூா் மாவட்டத்தில் கடந்த 6 மாதங்களில் 3 குழந்தைகள் மீட்கப்பட்டிருப்பதாகவும் அவா் தெரிவித்தாா்.

எஸ்ஆா்பிடிஎஸ் இயக்குநா் என்.தமிழரசி, அரசு மருத்துவா்கள் உடனிருந்தனா்.

ADVERTISEMENT

ADVERTISEMENT
ADVERTISEMENT