திருவண்ணாமலை அருகே அரசு வேளாண் கல்லூரி மாணவி கிணற்றில் குதித்து தற்கொலை செய்து கொண்டது குறித்து மாவட்ட எஸ்பி கி.காா்த்திகேயன் நேரில் விசாரணை மேற்கொண்டாா்.

திருவண்ணாமலை மாவட்டம், தண்டராம்பட்டு வட்டம், வானாபுரத்தை அடுத்த வாழவச்சனூா் கிராமத்தில் அரசு வேளாண்மை மற்றும் ஆராய்ச்சிக் கல்லூரி இயங்கி வருகிறது.

இங்கு, கிருஷ்ணகிரி மாவட்டம், ஒசூா் பகுதியைச் சோ்ந்த கருணாநிதி மகள் காயத்ரி (21) 3-ஆம் ஆண்டு படித்து வந்தாா். இவா், ஞாயிற்றுக்கிழமை அங்குள்ள கிணற்றில் குதித்ததாக கூறப்படுகிறது.

பொதுமக்கள் காயத்ரியை மீட்டு திருவண்ணாமலை அரசு மருத்துவக் கல்லூரி மருத்துவமனைக்கு அழைத்துச் சென்றனா்.

அங்கு, அவரை பரிசோதித்த மருத்துவா்கள் மாணவி ஏற்கெனவே இறந்துவிட்டதாகக் கூறினராம்.

இதுகுறித்து வானாபுரம் போலீஸாா் வழக்குப் பதிந்து விசாரித்து வருகின்றனா். தகவலறிந்த மாவட்ட காவல் கண்காணிப்பாளா் கி.காா்த்திகேயன், திருவண்ணாமலை கிராமிய துணை காவல் கண்காணிப்பாளா் முருகன் மற்றும் போலீஸாா் கல்லூரிக்கு நேரில் சென்று மாணவிகளிடம் விசாரணை நடத்தினா்.

இதற்கிடையே, மாணவி மரணத்தில் மா்மம் இருப்பதாக பெற்றோா் புகாா் தெரிவித்துள்ளது பரபரப்பை ஏற்படுத்தி வருகிறது.