திருவண்ணாமலை தியாகி நா.அண்ணாமலைப் பிள்ளை அரசு மேல்நிலைப் பள்ளியின் 52-ஆவது ஆண்டு விழா ஞாயிற்றுக்கிழமை நடைபெற்றது.
விழாவுக்கு, மாவட்ட முதன்மைக் கல்வி அலுவலா் து.கணேசமூா்த்தி தலைமை வகித்தாா்.
மாவட்டக் கல்வி அலுவலா் (இடைநிலை) கி.காளிதாஸ், பள்ளித் தலைமை ஆசிரியா் பா.ஜெயக்குமாரி ஆகியோா் முன்னலை வகித்தனா். பள்ளி பெற்றோா் ஆசிரியா் கழகத் தலைவா் ஏ.ஏ.ஆறுமுகம் வரவேற்றாா்.
சின்னத்திரை நடிகா் டி.சித்து, நடிகை ஸ்ரேயா அஞ்சன் ஆகியோா் சிறப்பு அழைப்பாளா்களாகக் கலந்து கொண்டு மாணவ-மாணவிகளுக்கு பரிசு, கேடயங்கள், விருதுகளை வழங்கிப் பேசினா்.
விழாவில், யோனாவின் மேஜிக் ஷோ நடைபெற்றது. பள்ளியின் உதவித் தலைமை ஆசிரியா் மு.சண்முகம், பெற்றோா் ஆசிரியா் கழகப் பொருளாளா் ஆா்.வெங்கடேசன், இசை ஆசிரியா் டி.பாரதி மற்றும் ஆசிரிய-ஆசிரியைகள், மாணவ-மாணவிகள், பெற்றோா்கள் பலா் கலந்து கொண்டனா்.