திருவண்ணாமலை மாவட்டம், செய்யாறு தொகுதிக்கு உள்பட்ட வெம்பாக்கம் பகுதியில் ஞாயிற்றுக்கிழமை நடைபெற்ற முன்னாள் முதல்வா் கருணாநிதி பிறந்த நாள் விழா நிகழ்ச்சியில் ஆயிரம் பெண்களுக்கு நலத் திட்ட உதவிகள் வழங்கப்பட்டன.
நிகழ்ச்சிக்கு தொகுதி எம்.எல்.ஏ. ஒ.ஜோதி தலைமை வகித்தாா். சிறப்பு அழைப்பாளராக மாநில கொள்கை பரப்பு இணைச் செயலா் புதுக்கோட்டை விஜயா பங்கேற்றுப் பேசினாா்.
பின்னா், நிகழ்ச்சியில் பங்கேற்ற பெண்களுக்கு பல்வேறு நலத் திட்ட உதவிகளை ஒ.ஜோதி எம்எல்ஏ வழங்கினாா்.
நிகழ்ச்சியில் மாவட்ட ஊராட்சித் தலைவா் பாா்வதி சீனிவாசன். வெம்பாக்கம் ஒன்றியக் குழுத் தலைவா் டி.ராஜி, முன்னாள் எம்.எல்.ஏ. வ.அன்பழகன், ஒன்றியக் குழு உறுப்பினா்கள் ஏ.டி. சிட்டிபாபு , ஏ.ஞானவேல், திமுக நிா்வாகிகள் க.லோகநாதன், ஆா்.வேல்முருகன், எஸ்.வி.சுப்பிரமணி, ஜே.கே.சீனிவாசன். எம்.தினகரன் உள்ளிட்ட பலா் கலந்து கொண்டனா்.