திருவண்ணாமலை

ஜாமீனில் வெளியே வந்த லாரி ஓட்டுநா் வெட்டிக் கொலை உறவினா்கள் 3 போ் கைது

DIN

செய்யாறு அருகே பள்ளி மாணவியை பாலியல் வன்கொடுமை செய்த சம்பவத்தில், போக்சோ சட்டத்தின் கீழ் கைதாகி ஜாமீனில் வெளியே வந்த லாரி ஓட்டுநா் வெட்டிக் கொலை செய்யப்பட்டாா்.

இது தொடா்பாக உறவினா்கள் 3 பேரை போலீஸாா் வியாழக்கிழமை கைது செய்தனா்.

திருவண்ணாமலை மாவட்டம், வெம்பாக்கம் வட்டம், பாண்டியம்பாக்கம் கிராமத்தில் 17 வயது பள்ளி மாணவியை பாலியல் வன்கொடுமை செய்ததாக, லாரி ஓட்டுநா் முருகன் என்பவரை போக்சோ சட்டத்தின் கீழ் செய்யாறு மகளிா் போலீஸாா் கடந்த 17.03 .22 அன்று கைது செய்து சிறையில் அடைத்தனா்.

சிறையில் இருந்த முருகன் ஜூன் 22-இல் ஜாமீனில் வெளியே வந்தாா். இவா் வியாழக்கிழமை வீட்டின் பின்புறம் உள்ள தைல மரத் தோப்பில் இயற்கை உபாதை கழிக்கச் சென்றாா்.

அப்போது, முருகனை பின்தொடா்ந்து சென்ற மாணவியின் தந்தை தணிகைமலை, சித்தப்பா வேல்முருகன், சகோதரா்கள் சுரேஷ், விக்னேஷ் ஆகியோா் கத்தியால் கழுத்துப் பகுதியில் வெட்டிவிட்டு தப்பிச் சென்றனா்.

இதில் பலத்த காயமடைந்த முருகனை குடும்பத்தினா் மீட்டு செய்யாறு அரசு மருத்துமனையில் சிகிச்சைக்காக சோ்த்தனா். அங்கு முருகன் உயிரிழந்தாா்.

இந்தச் சம்பவம் தொடா்பாக தூசி போலீஸில் புகாா் அளிக்கப்பட்டது.

செய்யாறு டிஎஸ்பி இ.செந்தில், காவல் ஆய்வாளா் முரளிதரன் ஆகியோா் 5 போ் மீது வழக்குப் பதிவு செய்தனா். மேலும், தணிகைமலை, அவரது தம்பி வேல்முருகன், மகன் சுரேஷ் ஆகியோரை தூசி போலீஸாா் கைது செய்து விசாரணை மேற்கொண்டு வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

நிதி நிறுவன உரிமையாளா் வீட்டில் வருமான வரித் துறையினா் சோதனை

புனித வியாழன்: தேவாலயங்களில் பாதம் கழுவும் நிகழ்ச்சி

சரக்கு வாகனம் கவிழ்ந்ததில் ஒருவா் பலி; 13 போ் காயம்

அரசு பள்ளியில் நூற்றாண்டு விழா

சேலம் நீதிமன்றத்தில் சட்டக் கல்லூரி மாணவா்கள் தூய்மைப் பணி

SCROLL FOR NEXT