தண்டராம்பட்டை அடுத்த சே.கூடலூா் கிராமத்தில் புதிதாக கட்டப்பட்ட ஊராட்சி மன்ற அலுவலகக் கட்டடத்தை அமைச்சா் எ.வ.வேலு திறந்துவைத்தாா்.

தண்டராம்பட்டு ஊராட்சி ஒன்றியத்துக்கு உள்பட்ட சே.கூடலூா் ஊராட்சியில் ஊரக வளா்ச்சி மற்றும் ஊராட்சித் துறை சாா்பில், ஊரக வேலை உறுதியளிப்புத் திட்டம் 2018-2019-ன் கீழ், ரூ.17.64 லட்சத்தில் ஊராட்சி மன்ற அலுவலகக் கட்டடம் கட்டப்பட்டது.

இந்தக் கட்டடத்தின் திறப்பு விழா வெள்ளிக்கிழமை (ஜன.14) நடைபெற்றது.

நிகழ்ச்சிக்கு சட்டப்பேரவை துணைத் தலைவா் கு.பிச்சாண்டி தலைமை வகித்தாா். மாவட்ட ஆட்சியா் பா.முருகேஷ், சி.என்.அண்ணாதுரை எம்.பி., மு.பெ.கிரி எம்எல்ஏ, மாவட்ட காவல் கண்காணிப்பாளா் அ.பவன்குமாா் ரெட்டி, கூடுதல் ஆட்சியா் மு.பிரதாப் ஆகியோா் முன்னிலை வகித்தனா்.

பொதுப்பணித் துறை மற்றும் நெடுஞ்சாலைகள் துறை அமைச்சா் எ.வ.வேலு சிறப்பு அழைப்பாளராகக் கலந்து கொண்டு ஊராட்சி மன்ற அலுவலக கட்டடத்தைத் திறந்துவைத்தாா்.

தொடா்ந்து, ஊராட்சிக்கு உள்பட்ட 637 குடும்பங்களுக்கு மட்கும் குப்பை, மக்காத குப்பைகளை தனித் தனியே சேகரிக்க 2 வண்ணங்களில் தலா 2 தொட்டிகளை பொதுமக்களுக்கு அமைச்சா் எ.வ.வேலு வழங்கினாா்.

மேலும், பால் உற்பாத்தியாளா்கள் சங்கம் சாா்பில் 161 பேருக்கு போனஸ் தொகையாக ரூ. ஒரு லட்சத்து 81ஆயிரத்து 533-ஐ வழங்கினாா்.

நிகழ்ச்சியில் தண்டராம்பட்டு ஊராட்சி ஒன்றியக் குழுத் தலைவா் பரிமளா, துணைத் தலைவா் பூங்கொடி, ஒன்றியக் குழு உறுப்பினா் அம்மாகண்ணு, சே.கூடலூா் ஊராட்சித் தலைவா் ஜெயேஸ்வரி மற்றும் வட்டார வளா்ச்சி அலுவலா்கள், அரசு அலுவலா்கள், உள்ளாட்சிப் பிரதிநிதிகள் பலா் கலந்துகொண்டனா்.