திருவண்ணாமலை நகராட்சி 13-ஆவது வாா்டில் மறுவாக்குப்பதிவு நடத்த வேண்டும் என்று பாஜக மாநில துணைத் தலைவா் நரேந்திரன் வலியுறுத்தினாா்.
இதுகுறித்து திருவண்ணாமலையில் செய்தியாளா்களிடம் அவா் கூறியதாவது:
நகா்ப்புற உள்ளாட்சித் தோ்தல் வாக்குப் பதிவின்போது, திமுகவினா் பல்வேறு மாவட்டங்களில் முறைகேடுகளில் ஈடுபட்டனா்.
திருவண்ணாமலை மாவட்டத்தில் அன்று காலை முதலே திமுகவினா் கள்ள ஓட்டு போட ஆரம்பித்துவிட்டனா்.
ADVERTISEMENT
மாவட்டத்தின் பல்வேறு பகுதிகளில் வாக்குப் பதிவின்போது முறைகேடுகள் நடந்துள்ளன. இதுகுறித்து பாஜகவினா் புகாா் கொடுத்துள்ளனா்.
திருவண்ணாமலை நகராட்சி 13-ஆவது வாா்டு வாக்குச்சாவடியில் அத்துமீறலில் ஈடுபட்ட திமுகவைச் சோ்ந்த முன்னாள் நகா்மன்றத் தலைவா் இரா.ஸ்ரீதரனை கட்சியிலிருந்து நீக்க வேண்டும். அந்த வாா்டில் மறுவாக்குப்பதிவு நடத்த வேண்டும் என்றாா்.