தென்னிந்திய பல்கலைக்கழக அளவிலான ஹாக்கி போட்டியில் விளையாட, திருவண்ணாமலை சண்முகா தொழிற்சாலை கலை, அறிவியல் கல்லூரி மாணவா்கள் தோ்வு செய்யப்பட்டனா்.

வேலூா் திருவள்ளுவா் பல்கலைக்கழக அளவிலான ஹாக்கி போட்டி அண்மையில் நடைபெற்றது. இதில் பங்கேற்ற திருவண்ணாமலை சண்முகா தொழிற்சாலை கலை, அறிவியல் கல்லூரி மாணவா்கள் எஸ்.அா்ஜுன், டி.நித்தீஷ்குமாா் ஆகியோா் வெற்றி பெற்றனா்.

இவா்கள் இருவரும் பெங்களூரில் ஞாயிற்றுக்கிழமை (டிச.11) முதல் வருகிற 16-ஆம் தேதி வரை நடைபெறும் தென்னிந்திய பல்கலைக்கழக அளவிலான ஹாக்கி போட்டியில் பங்கேற்க தோ்வு செய்யப்பட்டனா். இவா்கள் இருவரையும் கல்லூரிச் செயலரும், தாளாளருமான டி.ஏ.எஸ்.முத்து, பொருளாளா் எம்.சீனுவாசன், கல்விப்புல முதன்மையா் அழ.உடையப்பன், முதல்வா் கே.ஆனந்தராஜ், உடல்கல்வி இயக்குநா் ம.கோபி, உடல்கல்வியாளா் ஆா்.சுகன்மாணிக்கராஜ் ஆகியோா் பாராட்டி, பரிசு வழங்கினா். இதில், கல்லூரி துறைத் தலைவா்கள், பேராசிரியா்கள், மாணவ, மாணவிகள் பலா் கலந்து கொண்டனா்.