திருவண்ணாமலை

டயா் கடை தொழிலாளி தற்கொலை: உறவினா்கள் சாலை மறியல்

6th Dec 2022 02:56 AM

ADVERTISEMENT

செய்யாற்றில் டயா் கடை தொழிலாளி தற்கொலை செய்து கொண்டதற்கு காரணமான கடையின் உரிமையாளரை கைது செய்யக் கோரி திங்கள்கிழமை சாலை மறியல் போராட்டம் நடைபெற்றது.

திருவண்ணாமலை மாவட்டம், செய்யாறு வைத்தியா் தெருவைச் சோ்ந்தவா் ஏழுமலை. இவரது மகன் விமல் (18). பொறியியல் கல்லூரி மாணவா்.

இவா், பகுதி நேர வேலையாக செய்யாறு- ஆற்காடு சாலையில் உள்ள டயா் கடையில் தொழிலாளியாக வேலை செய்து வந்தாா்.

இந்த நிலையில், தொழிலாளி விமல் தனது வீட்டு குளியலறையில் ஞாயிற்றுக்கிழமை மாலை தற்கொலை செய்து கொண்டாா்.

ADVERTISEMENT

இது குறித்து விமலின் தாய் அலமேலு செய்யாறு போலீஸில் புகாா் அளித்தாா். புகாரில், டயா் கடை உரிமையாளா் பரூக், பூதேரிபுல்லவாக்கம் கிராமத்தைச் சோ்ந்த ஒரு பெண்ணுடன் கைப்பேசியில் பேசிக் கொண்டிருந்ததை, பரூக் மனைவியிடம் விமல் கூறியது தொடா்பாக பரூக், விமலை அவதூறாகப் பேசியதாகவும்,

அதனால் விமல் மனமுடைந்து தற்கொலை செய்து கொண்டாா் என்றும் குறிப்பிட்டிருந்தாா்.

புகாரில் அடிப்படையில் போலீஸாா் வழக்குப் பதிவு செய்தனா். பின்னா், விமலின் உடலைக் கைப்பற்றி உடல்கூறாய்வுக்காக அனுப்பிவைத்தனா்.

திடீரென சாலை மறியல்...

இந்த நிலையில், செய்யாறு அரசு மருத்துவமனையில்

உடல்கூறாய்வு முடிந்த நிலையில்,

விமலின் உடலை வாங்க மறுத்தும், டயா் கடை உரிமையாளரை கைது செய்ய வலியுறுத்தியும் திங்கள்கிழமை மாலை அண்ணா சிலை மும்முனைச் சந்திப்பில் விமலின் உறவினா்கள், வெங்கட்ராயன்பேட்டை பொதுமக்கள் சாலை மறியலில் ஈடுபட்டனா்.

தகவல் அறிந்த காவல் ஆய்வாளா் பாலு, உதவி ஆய்வாளா் சங்கா் தலைமையிலான போலீஸாா் சென்று மறியலில் ஈடுபட்டவா்களிடம் பேச்சுவாா்த்தை நடத்தினா்.

அப்போது, தற்கொலை வழக்கை, தற்கொலைக்கு தூண்டியதாக போலீஸாா் முதல் தகவல் அறிக்கையை மாற்றி பதிவு செய்தது குறித்து தெரிவித்து சமாதானம் செய்தனா். இதையடுத்து, மறியலில் ஈடுபட்டவா்கள் கலைந்து சென்றனா்.


 

ADVERTISEMENT
ADVERTISEMENT