திருவண்ணாமலை

கடன் தகராறில் ஒருவா் கைது

6th Dec 2022 02:51 AM

ADVERTISEMENT

போளூா் அருகே கடனாகக் கொடுத்த பணத்தை திருப்பிக் கேட்டதில் ஏற்பட்ட தகராறில் கட்டுமானப் பணி மேற்பாா்வையாளா் தாக்கப்பட்டாா். இதுதொடா்பாக ஒருவரை போலீஸாா் திங்கள்கிழமை கைது செய்தனா்.

திருவண்ணாமலை மாவட்டம், போளூரை அடுத்த துரிஞ்சிக்குப்பம் கிராமத்தைச் சோ்ந்தவா் சிவக்குமாா் மகன் மணிகண்டன்(27). அதே கிராமத்தைச் சோ்ந்தவா் பூங்காவனம் மகன் தங்கதுரை (30). இருவரும் சென்னையில் தங்கி கட்டுமானப் பணி மேற்பாா்வையாளா்களாகப் பணியாற்றி வருகின்றனா்.

தங்கதுரைக்கு, மணிகண்டன் அண்மையில் ரூ.5 ஆயிரம் கடனாகக் கொடுத்தாராம். இந்த நிலையில், அண்மையில் சொந்த ஊருக்கு இருவரும் வந்தனா்.

இந்த நிலையில், மணிகண்டன் கடனாகக் கொடுத்த ரூ.5ஆயிரத்தை தங்கதுரையிடம் ஞாயிற்றுக்கிழமை கேட்டாராம்.

ADVERTISEMENT

இதில், இருவருக்கும் இடையே தகராறு ஏற்பட்டு, தங்கதுரை கட்டையால் மணிகண்டனைத் தாக்கியதாகத் தெரிகிறது.

பலத்த காயமடைந்த மணிகண்டனை பொதுமக்கள் மீட்டு போளூா் அரசு மருத்துவமனையில் சோ்த்தனா்.

பின்னா், தீவிர சிகிச்சைக்காக சென்னை அரசு மருத்துவமனைக்கு மணிகண்டன் மாற்றப்பட்டாா்.

இதுகுறித்து மணிகண்டனின் தந்தை சிவக்குமாா் போளூா் காவல் நிலையத்தில் புகாா் அளித்தாா்.

போலீஸாா் வழக்குப் பதிந்து தங்கதுரையை திங்கள்கிழமை கைது செய்தனா்.

 

ADVERTISEMENT
ADVERTISEMENT