திருவண்ணாமலை அருணாசலேஸ்வரா் கோயிலில் வருகிற 6-ஆம் தேதி நடைபெறவுள்ள மகா தீபத் திருவிழாவன்று, 12 ஆயிரம் போலீஸாா் பாதுகாப்புப் பணியில் ஈடுபவா் என்று தமிழக காவல் துறை தலைமை இயக்குநா் சி.சைலேந்திரபாபு தெரிவித்தாா்.

திருவண்ணாமலை அருணாசலேஸ்வரா் கோயில் காா்த்திகை தீபத் திருவிழா டிசம்பா் 6-ஆம் தேதி நடைபெறுகிறது. விழாவையொட்டி, காவல் துறை சாா்பில் மேற்கொள்ள வேண்டிய பாதுகாப்பு ஏற்பாடுகள் குறித்து தமிழக காவல் துறை தலைமை இயக்குநா் சி.சைலேந்திரபாபு வியாழக்கிழமை நேரில் பாா்வையிட்டு ஆய்வு செய்தாா்.

அருணாசலேஸ்வரா் கோயிலின் அம்மணி அம்மன் கோபுரம், கிளி கோபுரம் உள்பட கோயிலின் பல்வேறு பகுதிகளில் ஆய்வு மேற்கொண்ட அவா், வடக்கு மண்டல ஐ.ஜி. கண்ணன், வேலூா் சரக டிஐஜி (பொறுப்பு) சத்தியபிரியா, மாவட்ட எஸ்.பி. காா்த்திகேயன் ஆகியோரிடம் பாதுகாப்பு நடவடிக்கைகள் குறித்து கேட்டறிந்தாா்.

இதையடுத்து சம்பந்த விநாயகா் சன்னதி, அருணாசலேஸ்வரா் சன்னதி, உண்ணாமுலையம்மன் சன்னதிகளில் அவா் சுவாமி தரிசனம் செய்தாா்.

பின்னா், அவா் செய்தியாளா்களுக்கு அளித்த பேட்டி:

கரோனா ஊரடங்கு காரணமாக கடந்த 2 ஆண்டுகளாக தீபத் திருவிழாவின்போது பக்தா்கள் கூட்டம் குறைவாகவே இருந்தது. நிகழாண்டு சுமாா் 30 லட்சம் பக்தா்கள் வருவாா்கள் என்று எதிா்பாா்க்கிறோம். அதற்கேற்ப பாதுகாப்பு ஏற்பாடுகளை செய்து வருகிறோம். தீபத் திருவிழா பாதுகாப்புப் பணியில் வடக்கு மண்டல ஐ.ஜி. தலைமையில் 4 டிஐஜிக்கள், 27 மாவட்ட எஸ்.பி.க்கள் மற்றும் 12 ஆயிரம் போலீஸாா் ஈடுபடுவா்.

பக்தா்களுக்கு வழங்கப்படும் பாஸ்களில் பாா்-கோடு இருக்கும். அதை சோதனை செய்த பிறகே பக்தா்களை உள்ளே அனுப்புவோம். பக்தா்கள் எந்த சிரமமும் இல்லாமல் வந்து சுவாமி தரிசனம் செய்து விட்டுச் செல்ல தேவையான ஏற்பாடுகளை செய்துள்ளோம். பாதுகாப்புக்காக அருணாசலேஸ்வரா் கோயிலைச் சுற்றியுள்ள பொதுமக்களின் விவரங்களைச் சேகரித்துள்ளோம்.

இதேபோல, வெளியூா், வெளிநாடுகளில் இருந்து வந்து தங்கியுள்ள நபா்களின் விவரங்களையும் சேகரித்துள்ளோம்.

திருட்டு போன்ற குற்றங்களைத் தடுக்க தமிழகத்தின் 38 மாவட்டங்களில் பணிபுரியும் திருட்டு தடுப்புக் காவல் அதிகாரிகள், காவலா்கள் சிறப்புப் பணியில் அமா்த்தப்பட்டுள்ளனா்.

500 அதிநவீன கேமராக்கள்: தீபத் திருவிழாவுக்கு பெண்கள் பாதுகாப்பாக வந்து செல்லத் தேவையான நடவடிக்கைகளை எடுத்துள்ளோம். விழாவையொட்டி, புதிதாக 500 அதிநவீன கேமராக்களை அருணாசலேஸ்வரா் கோயில், கிரிவலப் பாதை உள்பட நகரின் பல்வேறு பகுதிகளில் பொருத்தி உள்ளோம். இவை குறிப்பிட்ட குற்றவாளியின் முகத்தை வைத்தே இவா் யாா் என்பதை கண்டுபிடித்துவிடும்.

இதுதவிர, பாதுகாப்புப் பணியில் ஈடுபடும் காவலா்களின் கைப்பேசிகளிலும் அதிநவீன செயலி நிறுவப்பட்டுள்ளது. இதன்மூலம் வெளி மாநிலம், வெளி மாவட்டங்களில் இருந்து வந்துள்ள குற்றவாளிகளை கண்டுபிடித்துவிடலாம்.

முக்கியப் பிரமுகா்கள் வந்து செல்ல போதிய ஏற்பாடுகளை செய்யப்பட்டுள்ளன. ஆன்லைன் மூலம் கோயில் நிா்வாகம் சாா்பில் தீபத் திருவிழா டிக்கெட்டுகள் விற்பனை செய்யப்படும். பாஸ் வைத்துள்ள பக்தா்கள் கோயிலுக்குள் வந்து சுவாமி தரிசனம் செய்ய வேண்டும் என்றாா்.

பேட்டியின்போது, திருவண்ணாமலை மாவட்ட ஆட்சியா் பா.முருகேஷ், கோயில் இணை ஆணையா் கே.பி.அசோக்குமாா், கூடுதல் ஆட்சியா் வீா் பிரதாப் சிங், கோட்டாட்சியா் மந்தாகினி, நகராட்சி ஆணையா் முருகேசன் ஆகியோா் உடனிருந்தனா்.