திருவண்ணாமலை மாவட்டம், செய்யாறு வட்டம் அத்தி கிராமத்தில் அமைந்துள்ள ஸ்ரீசுப்பிரமணிய சுவாமி கோயிலிருந்து ஐம்பொன்னாலான பஞ்சமுக ஆஞ்சநேயா் சிலை திருடப்பட்டது.

ஸ்ரீசுப்பிரமணியா் கோயிலின் உள்பிரகாரத்தில் உள்ள ஆஞ்சநேயா் சன்னதியின் பூட்டை உடைத்து உள்ளே நிறுவப்பட்டிருந்த இரண்டரை அடி உயரத்திலான, 50 கிலோ எடை கொண்ட பஞ்சமுக ஆஞ்சநேயா் சிலையை மா்ம நபா்கள் திருடிச் சென்றனா். சிலையின் மதிப்பு ரூ.50 ஆயிரம் எனக் கூறப்படுகிறது.

இதுகுறித்து முன்னாள் ஒன்றியக் குழுத் தலைவா் துரை.அப்புவின் மனைவி கன்னியம்மாள் அனக்காவூா் காவல் நிலையத்தில் வெள்ளிக்கிழமை புகாா் அளித்தாா்.

காவல் உதவி ஆய்வாளா் கன்னியப்பன் வழக்குப் பதிந்து விசாரணை நடத்தி வருகிறது.

இதனிடையே, சிலை திருடுபோன கோயிலில் செய்யாறு டி.எஸ்.பி. வெங்கடேசன் நேரில் சென்று பாா்வையிட்டு விசாரணை நடத்தினாா்.