திருவண்ணாமலை

மருத்துவா்களுக்கு கரோனா வைரஸ் தடுப்பு உடைகள்

5th Apr 2020 11:09 PM

ADVERTISEMENT

ஆரணி அரசு மருத்துவமனை மருத்துவா்கள், செவிலியா்கள், ஊழியா்களுக்கு கரோனா வைரஸ் தடுப்பு உடைகள் இலவசமாக வழங்கப்பட்டன.

தற்போது கொரோனா வைரஸ் காரணமாக பலா் தனது உடலுக்கு சிறு காய்ச்சல் என்றாலும் அரசு மருத்துவமனைக்கு வந்து சிகிச்சை பெற்றுச் செல்கின்றனா்.

இந்த நிலையில், மருத்துவமனையில் பணிபுரியும் மருத்துவா்கள், செவிலியா்கள், ஊழியா்களுக்கு எந்தவித வைரஸும் தாக்காத வகையில் தயாரிக்கப்பட்ட உடைகளை சமூக ஆா்வலா் அருண்குமாா் இலவசமாக ஞாயிற்றுக்கிழமை வழங்கினாா்.

மேலும் செய்தியாளா்களிடம் அவா் கூறியதாவது:

ADVERTISEMENT

ஆரணி அரசு மருத்துவமனையில் பணிபுரிபவா்கள் சிறப்பாக செயல்பட்டால்தான் ஆரணி மக்களை நோயின்றி பாதுகாக்க முடியும். ஆகையால்தான், சிறு குறு பெரு வியாபாரிகள் சங்க அறக்கட்டளை சாா்பில் தொழிலதிபா்கள் பாஸ்கரன், சீனிவாசன் ஆகியோரிடம் நிதி பெற்று கரோனா வைரஸ் தடுப்பு உடைகளை தயாரித்து அரசு மருத்துவமனைக்கு வழங்கி வருகிறோம்.

இந்த உடை தயாரிக்க சுமாா் ரூ.350 முதல் ரூ.400 வரை செலவாகிறது. மேலும் இந்த உடையை ஒரு நாளைக்கு மட்டுமே பயன்படுத்த முடியும். ஆகையால், முதல் கட்டமாக 300 உடைகள் தைத்து தரப்படுகிறது. மேலும், மருத்துவமனைக்குத் தேவையான துணிகளை தொடா்ந்து சங்கம் மூலமாக வழங்கப்படும் என்றாா்.

பின்னா், முதல் கட்டமாக தைக்கப்பட்ட கரோனா பாதுகாப்பு உடைகளை மருத்துவா்களிடம் வழங்கினாா்.

 

ADVERTISEMENT
ADVERTISEMENT