திருவண்ணாமலை

ஆதரவின்றி சுற்றித் திரிந்த மூதாட்டி சாவு

12th Nov 2019 04:29 PM

ADVERTISEMENT

வந்தவாசி: வந்தவாசியில் ஆதரவின்றி சுற்றித் திரிந்த மூதாட்டி உயிரிழந்தது தொடா்பாக போலீஸாா் விசாரணை மேற்கொண்டுள்ளனா்.

வந்தவாசியை அடுத்த கீழ்க்கொடுங்காலூா் கிராமத்தில் கடந்த சில மாதங்களாக சுமாா் 75 வயது மதிக்கத்தக்க மூதாட்டி ஒருவா் ஆதரவற்ற நிலையில் சுற்றித் திரிந்து கொண்டிருந்தாா். இந்த நிலையில் மயங்கிய நிலையில் கிடந்த அவரை அந்த பகுதி பொதுமக்கள் வந்தவாசி அரசு மருத்துவமனையில் சோ்த்தனா். சிகிச்சைக்கு பிறகு அவா் மருத்துவமனை பகுதியில் சுற்றித் திரிந்து கொண்டிருந்தாா்.

கடந்த அக். 17-ஆம் தேதியன்று மீண்டும் மயங்கிய நிலையில் கிடந்த அவரை சிகிச்சைக்காக வந்தவாசி அரசு மருத்துவமனையில் சோ்த்தனா். பின்னா் தீவிர சிகிச்சைக்காக திருவண்ணாமலை அரசு மருத்துவமனையில் அனுமதிக்கப்பட்டு சிகிச்சை பெற்று வந்த அவா் திங்கள்கிழமை இறந்தாா். இதுகுறித்து வந்தவாசி கிராம நிா்வாக அலுவலா் கனகராஜ் அளித்த புகாரின்பேரில் வந்தவாசி தெற்கு போலீஸாா் வழக்குப்பதிந்து விசாரணை மேற்கொண்டுள்ளனா்.

ADVERTISEMENT
ADVERTISEMENT