திருப்பதி

75,871 பக்தா்கள் தரிசனம், உண்டியல் காணிக்கை ரூ.3.27 கோடி

1st Jun 2023 12:27 AM

ADVERTISEMENT

திருமலை ஏழுமலையானை 75,871 பக்தா்கள் தரிசித்தனா். உண்டியல் காணிக்கை ரூ.3.27 கோடி வசூலானது.

திருமலை ஏழுமலையானை தா்ம தரிசனத்தில் தரிசிக்க பக்தா்கள் புதன்கிழமை காலை 18 மணி நேரம் காத்திருந்தனா். திருமலைக்கு வரும் பக்தா்களின் கூட்டம் கோடை விடுமுறை முடிவுறும் தருவாயில் நாளுக்கு நாள் அதிகரித்து வருகிறது. வார இறுதி நாள்களில் மட்டும் அதிகமாக இருந்த பக்தா்கள் கூட்டம், தற்போது அனைத்து நாள்களிலும் அதிகரித்துள்ளது.

எனவே, புதன்கிழமை காலை 19 காத்திருப்பு அறைகளில் ஏழுமலையான் தரிசனத்திற்காக பக்தா்கள் காத்திருந்தனா். அவா்களுக்கு 18 மணி நேரம் காத்திருப்புக்கு பின்பு சுவாமி தரிசனத்துக்கான அனுமதி வழங்கப்பட்டு வருகிறது.

இதனால், தா்ம தரிசனத்திற்கு (தரிசன டோக்கன்கள்) 18 மணி நேரமும், ரூ.300 விரைவு தரிசனத்திற்கு 3 மணி நேரமும், நேரடி இலவச தரிசன டோக்கன்கள் பெற்ற பக்தா்களுக்கு 3 மணி நேரமும் தேவைப்பட்டது. காத்திருப்பு அறைகள் மற்றும் தரிசன வரிசைகளில் பக்தா்களுக்கு உணவு, பால், குடிநீா் உள்ளிட்டவை வழங்கப்பட்டு வருகிறது.

ADVERTISEMENT

செவ்வாய்கிழமை முழுவதும் 75,871 பக்தா்கள் ஏழுமலையானை தரிசித்தனா். இவா்களில் 32,859 பக்தா்கள் தலைமுடி காணிக்கை செலுத்தினா்.

பக்தா்கள் உண்டியலில் செலுத்திய காணிக்கைகளை கணக்கிட்டதில், ரூ.3.27 கோடி வசூலானதாக தேவஸ்தானம் தெரிவித்துள்ளது.

ADVERTISEMENT
ADVERTISEMENT