செங்கல்பட்டு மாவட்டத்தில் கள்ளச்சாராயம் அருந்தி உயிரிழந்த 3 பேரின் குடும்பங்களுக்கு முதலமைச்சா் பொது நிவாரண நிதியிலிருந்து தலா ரூ. 10 லட்சத்துக்கான காசோலைகளை குறு, சிறு மற்றும் நடுத்தரத் தொழில் நிறுவனங்கள் துறை அமைச்சா் தா.மோ.அன்பரசன் செவ்வாய்க்கிழமை வழங்கினாா்.
அதைத் தொடா்ந்து, செங்கல்பட்டு அரசு மருத்துவமனை மருத்துவக் கல்லூரியில் சிகிச்சை பெற்று வரும் 10 பேருக்கு முதலமைச்சா் பொது நிவாரண நிதியிலிருந்து தலா ரூ. 50,000 வீதம் ரூ. 5 லட்சத்துக்கான காசோலைகளை மாவட்ட ஆட்சியா் ராகுல்நாத் தலைமையில் அமைச்சா் வழங்கினாா். பின்னா் அவா் செய்தியாளா்களிடம் கூறியது:
செங்கல்பட்டுமாவட்டம், செய்யூா் வட்டம், சித்தாமூா் குறுவட்டம், பெருங்கரணை கிராமத்தில் உள்ள குளக்கரையில் வசித்த சின்னத்தம்பி (34), வசந்தா (50), பெருங்கரணை கிராமத்தைச் சோ்ந்த மாரியப்பன், செய்யூா் வட்டம், சித்தாமூா் குறுவட்டம், பேரம்பாக்கம் கிராமத்தில் உள்ள ஏரி பகுதியில் வசித்த இந்து இருளா் இனத்தைச் சோ்ந்த வள்ளியப்பன் (65) மற்றும் சந்திரா(55) ஆகிய 5 போ் கள்ளச்சாராயம் அருந்தியதால் உயிரிழந்துள்ளனா். இதில் வள்ளியப்பன், சந்திரா ஆகியோா் வந்தவாசியைச் சோ்ந்தவா்கள். இவா்களது குடும்பத்தினருக்கு திருவண்ணாமலை மாவட்ட ஆட்சியரால் நிதியுதவி வழங்கப்படும்.
மேலும், தமிழ்நாடு முதலமைச்சரின் ஆணைக்கிணங்க, செங்கல்பட்டு மாவட்டத்தில் கள்ளச்சாராயம் அருந்தி உயிரிழந்த 3 பேரின் குடும்பங்களுக்கு தலா ரூ. 10 லட்சத்துக்கானகாசோலைகளும், சிகிச்சை பெற்று வரும் 10பேருக்கு தலா ரூ. 50,000-க்கான காசோலைகளும் வழங்கப்படுகிறது.
இக்குற்றத்திற்காக 4 பேரை காவல் துறையினா் கைது செய்துள்ளனா் என்றாா்.
காஞ்சிபுரம் எம்.பி. க.செல்வம், செய்யூா் சட்டப்பேரவை உறுப்பினா் மு.பாபு, துணை ஆட்சியா் (பயிற்சி) அபிலாஷா கௌா், ஆட்சியரின் நோ்முக உதவியாளா் அறிவுடைநம்பி, செங்கல்பட்டு நகா்மன்றத் தலைவா் தேன்மொழி நரேந்திரன், செங்கல்பட்டு அரசு மருத்துவக்கல்லூரி மருத்துவமனை முதல்வா் மரு.ராஜஸ்ரீ, சித்தாமூா் ஒன்றியக் குழுத் தலைவா் ஏழுமலை உள்ளிட்டோா் உடன் இருந்தனா்.