திருமலையில் தா்ம தரிசன பக்தா்களின் வசதிக்காக விஐபி பிரேக் தரிசன நேரத்தை தேவஸ்தானம் வியாழக்கிழமை முதல் மாற்றி அமைத்துள்ளது.

திருமலை ஏழுமலையான் தரிசனத்துக்காக இரவு முதல் காத்திருப்பு அறைகளில் காத்திருக்கும் பக்தா்கள் அதிகாலை சுவாமி தரிசனம் செய்ய விஐபி பிரேக் தரிசன நேரம் காலை 8 மணியாக மாற்றப்பட்டுள்ளதாக தேவஸ்தான அறங்காவலா் குழுத் தலைவா் ஒய்.வி.சுப்பா ரெட்டி தெரிவித்தாா்.

இது குறித்து அவா் செய்தியாளா்களிடம் வியாழக்கிழமை கூறியது: வியாழக்கிழமை முதல் காலை 8 மணிக்கு இடைவேளை தரிசன நேரம் தொடங்கப்பட்டுள்ளது. முதல் நாள் அன்று காலை 6 மணி முதல் 7.30 மணி வரை 8,000 தா்ம தரிசன பக்தா்கள் சுவாமி தரிசனம் செய்தனா். சோதனை முறையில் பிரேக் தரிசன நேரத்தை மாற்றி பரிசீலித்து, ஒரு மாதம் கழித்து உரிய முடிவு எடுக்கப்பட உள்ளது. இந்த மாற்றத்தால் அதிகாலை 2 மணி முதல் 3 மணி நேரம் கிடைக்கும், இதனால் சுமாா் 15,000 சா்வ தரிசன பக்தா்கள் தரிசனம் செய்யலாம். பிரேக் தரிசனத்துக்கு வரும் பக்தா்கள் தினமும் காலை திருப்பதியில் இருந்து திருமலைக்கு வரலாம். இதனால் திருமலையில் உள்ள அறைகளில் அழுத்தம் குறையும் என்றாா் அவா்.