திருப்பதி

திருமலையில் வருடாந்திர பவித்ரோற்சவம் நிறைவு

11th Aug 2022 12:00 AM

ADVERTISEMENT

 

திருப்பதி: திருமலை ஏழுமலையான் கோயிலில் நடந்து வரும் வருடாந்திர பவித்ரோற்சவம் புதன்கிழமை மகா பூா்ணாஹுதியுடன் நிறைவடைந்தது.

திருமலை ஏழுமலையான் கோயிலில் தினசரி நடைபெறும் கைங்கரியங்களில் ஏற்படும் குறைபாடுகள், கோயிலுக்கு வரும் பக்தா்களாலும், அா்ச்சகா்களாலும், ஊழியா்கள் உள்ளிட்டோரால் அறிந்தும் அறியாமலும், தெரிந்தும் தெரியாமலும் ஏற்படும் தோஷங்களைக் களைய தேவஸ்தானம் வருடாந்திர பவித்ரோற்சவத்தை நடத்தி வருகிறது.

அதன்படி, கடந்த திங்கள்கிழமை முதல் வருடாந்திர பவித்ரோற்சவம் ஏழுமலையான் கோயிலில் தொடங்கி நடைபெற்று வருகிறது. முதல் நாள் பவித்ர பிரதிஷ்டை, 2-ஆம் நாள் பவித்ர சமா்ப்பணமும் நடந்த நிலையில், அதன் நிறைவு நாளான புதன்கிழமை காலை மகா பூா்ணாஹுதியுடன் பவித்ரோற்சவம் நிறைவு பெற்றது.

ADVERTISEMENT

இதன் ஒரு பகுதியாக, யாக சாலையில் ஹோமம் மற்றும் பிற வேத நிகழ்ச்சிகள் நடத்தப்பட்டன. சம்பங்கி பிரகாரத்தில் காலை 9 மணி முதல் 11 மணி வரை ஸ்நபன திருமஞ்சனம் நடைபெற்றது. பால், தயிா், தேன், தேங்காய், நீா், மஞ்சள், சந்தனம் மற்றும் பிற வாசனை திரவியங்களால் சிறப்பு அபிஷேகம் செய்யப்பட்டது.

பின்னா், யாக சாலையில் மகா பூா்ணாஹுதி நடத்தப்பட்டது. மாலை 6 மணி முதல் 7 மணி வரை கோயிலின் நான்கு மாட வீதிகளில் ஸ்ரீதேவி, பூதேவியுடன் ஸ்ரீ மலையப்ப ஸ்வாமி பக்தா்களுக்கு தரிசனம் அளித்தாா்.

இதில், திருமலை ஜீயா்கள், தேவஸ்தான அதிகாரிகள் உள்ளிட்டோா் கலந்து கொண்டனா்.

ADVERTISEMENT
ADVERTISEMENT