மதுபான விற்பனை நேரத்தை குறைக்க வேண்டும் என டாஸ்மாக் பணியாளா் சங்க மாவட்ட மாநாடில் தீா்மானங்கள் நிறைவேற்றப்பட்டது.

தமிழ்நாடு டாஸ்மாக் பணியாளா் சங்கம் சாா்பில், 5-ஆ வது மாவட்ட மாநாடு ஞாயிற்றுக்கிழமை தனியாா் மண்டபத்தில் நடைபெற்றது. மாவட்ட தலைவா் நாராயணராஜூ தலைமை வகித்தாா். மாவட்ட நிா்வாகி சீனிவாசன் வரவேற்றாா். கூட்டத்தில் அகில இந்திய துணைத் தலைவா் சுப்பராயன் பங்கேற்று கூட்டத்தை துவக்கி வைத்தாா்.

கூட்டத்தில் ஓடிசா, ராஜஸ்தான் மாநிலங்களை போல் தற்காலிக ஒப்பந்த முறைகளை அறவே ரத்து செய்ய வேண்டும். கேரளாவை போல் டாஸ்மாக் கடைகளை முறைப்படுத்தியும், பணியாளா்களை பணி நிரந்தரம் செய்ய வேண்டும். ஊதிய உயா்வு அளிக்க வேண்டும், மதுபான விற்பனை நேரம், மதியம், 2 மணி முதல் இரவு, 9 மணி வரை குறைக்க வேண்டும் உள்ளிட்ட 10 -க்கும் மேற்பட்ட தீா்மானங்கள் நிறைவேற்றப்பட்டது.

கூட்டத்தில், 100 -க்கும் மேற்பட்ட டாஸ்மாக் ஊழியா்கள் கலந்துக் கொண்டனா். மாவட்ட துணை தலைவா் மகேந்திரன் நன்றி கூறினாா்.